Bow វិលចូលវិស័យកម្សាន្តវិញ ក្រោយបដិបត្តិព្រះធម៌មួយរយៈ

បន្ទាប់ពីបែកបាក់ចំណងស្នេហ៍ជាង ១០ឆ្នាំ ជាមួយអតីតមិត្តប្រុស Got តារាបង្ហាញម៉ូដ និងសម្ដែង Bow Benjawan បានចូលបដិបត្តិព្រះធម៌មួយរយៈដើម្បីព្យាបាលផ្លូវចិត្ត ខណៈពេលនេះនាងវិលចូលវិស័យកម្សាន្តវិញហើយ ក្រោយផ្លូវចិត្តបានធូរស្រាល។

ក្រោយស្លៀកពាក់ស បដិបត្តិព្រះធម៌ប្រមាណមួយសប្ដាហ៍ តារាស្រីកូន​កាត់​ថៃ-អាល្លឺម៉ង់ Bow លែងគេចមុខពីសិល្បៈតទៅទៀត ដោយនាងបានចូលខ្លួនក្នុងឧស្សាហកម្មកម្សាន្តជាមួយនឹងការងារថតរូប ការដើរបង្ហាញម៉ូដ និងបានចាប់ផ្តើមសម្តែងជាលើកដំបូងនៅក្នុងខ្សែភាពយន្តរឿង “Never Give Up” ។

យ៉ាងណាមិញ ទោះបីជាវិលចូលធ្វើការជាអ្នកសិល្បៈវិញក្ដី ប៉ុន្តែតារាស្រីវ័យ ៣៦ឆ្នាំរូបនេះ បានប្រាប់មហាជនថា នាងមិនភ្លេចព្រះធម៌នោះទេ ដោយ​តែងតែ​រក​ពេល​បដិបត្តិព្រះធម៌​ជា​ប្រចាំ ដើម្បីសុខភាពផ្លូវចិត្តស្ងប់សុខ៕

ប្រែសម្រួល៖ សន្យា

ចុចអាន៖ លើកដំបូង Got ចេញមុខនិយាយជាសាធារណៈ ក្រោយ Bow ចូលខ្លួនកាន់ព្រះធម៌

ចុចអាន៖ Kim Kardashian និង Hailey សារភាពថា ធ្លាប់ចូលក្លឹបសិច