លើកដំបូង Got ចេញមុខនិយាយជាសាធារណៈ ក្រោយ Bow ចូលខ្លួនកាន់ព្រះធម៌

រឿងរ៉ាវស្នេហាប្រេះឆារវាងតារាសម្ដែង Bow Benchawan និងតារាប្រុស Got Jirayu បានបង្កការចាប់អារម្មណ៍ពីមហាជនអស់មួយរយៈធំហើយ បន្ទាប់ពីភាគីខាងស្រីឡើងប៉ុស្តិ៍ទូរទស្សន៍និយាយពីការបាត់ដំណឹងរបស់មិត្តប្រុស ដែលនាំឱ្យពួកគេបែកគ្នាយ៉ាងត្រជាក់បំផុត។

កន្លងមក Bow តែងតែលើកមកនិយាយជាសាធារណៈថា Got ទៅចោលនាងដោយគ្មានពាក្យលា ធ្វើឱ្យនាងពិបាកទទួលយក រហូតមកដល់សប្ដាហ៍មុន នាងបានប្រកាសខ្លួនចូលកាន់ព្រះធម៌ ដើម្បីបំភ្លេចចំណងស្នេហ៍ ១០ឆ្នាំ ព្រមទាំងព្យាបាលផ្លូវចិត្តរបស់នាង។

ក្រោយពេល Bow ស្លៀកពាក់ស និងយកព្រះធម៌ជាទីពឹង អតីតមិត្តប្រុសដែលមិនធ្លាប់ចេញមុខនិយាយ ឬបកស្រាយអ្វីកន្លងមក ស្រាប់តែបង្ហាញខ្លួនប្រាប់រឿងមួយចំនួនដែលលោកបាននិងកំពុងគិត។

Got Jirayu បានស្នើឱ្យទស្សនិកជន ក៏ដូចជាអ្នកកាសែតឈប់យល់ច្រឡំចំពោះការបែកបាក់រវាងលោក និង Bow ព្រោះការបែកគ្នារបស់ទាំងពីរមិនមែនទើបតែកើតឡើង នៅពេលសាមីខ្លួនខាងស្រីឡើងផ្ដល់បទសម្ភាសន៍នោះឡើយ។ តាមពិតអ្នកទាំងពីរបែកគ្នាជាយូរមកហើយ ហើយការដែលលោកមិនចេញបកស្រាយអ្វីពីមុនមក ព្រោះមិនចង់ឱ្យ​ប្រព័ន្ធ​ផ្សព្វផ្សាយ​​បន្ថែមបញ្ហា​កាន់តែរីកធំ និងបារម្ភ​ខ្លាច​ប៉ះពាល់​ដល់ Bow ផង។

លោកថា រហូត​មកពេល​នេះ ខ្លួននៅតែ​យក​ចិត្ត​ទុក​ដាក់ និង​ស្រឡាញ់ Bow ប៉ុន្តែលោកមិនអាចរស់នៅជាមួយនាងនោះទេ ហើយក្នុងពេលឆាប់ៗខាងមុខ លោកមានបំណងផ្លាស់ទៅក្រៅប្រទេស ដើម្បីគិតពីខ្លួនឯងជាមុនសិន៕

ប្រែសម្រួល៖ សន្យា

ចុចអាន៖ ទាក់ទងជាមួយមិត្តប្រុស ១០ឆ្នាំគ្មានន័យ Bow សម្រេចចិត្តបួសកាន់ព្រះធម៌មួយរយៈពេល

ចុចអាន៖ អ្នកគាំទ្រកូរ៉េប្រើសម្ដីធ្ងន់ៗលើ xooos ក្រោយល្បីទាក់ទងជាមួយ Park Seo Joon