ក្រៅពីសិល្បៈ Kwan ជាម្ចាស់ជំនួញដ៏ជោគជ័យមួយរូប

ប្រិយមិត្តតាមដានសិល្បៈថៃ បានស្គាល់មកហើយ តារាស្រីថៃ ក្វាន់ យូសាម៉ានី (Kwan Usamanee) ដែលជាតារាសម្ដែងជួរមុខលំដាប់ប្រទេស ព្រមទាំងជាតារាបង្ហាញម៉ូដដ៏ពេញនិយមមួយរូប។

ក្រៅពីអាជីពសម្ដែង បង្ហាញម៉ូដ និងថតស្ពត តាមពិត ក្វាន់ ជាសហគ្រិនវ័យក្មេងដ៏ជោគជ័យមួយរូប ខណៈទ្រព្យសម្បត្តិផ្ទាល់ខ្លួនដែលនាងកំពុងកាន់កាប់ មិនក្រោម ៥លានដុល្លារ​នោះទេ។

យោងតាមប្រព័ន្ធផ្សព្វផ្សាយក្នុងស្រុក បានឱ្យដឹងថា បច្ចុប្បន្នតារាស្រីវ័យ ៣៥ឆ្នាំរូបនេះជាម្ចាស់ហាងកែសម្ផស្សមួយកន្លែងដែលមានទីតាំងនៅកណ្ដាលទីក្រុងបាងកក។ ហាងរបស់ ក្វាន់ មានឈ្មោះថា Uzi Beauty Club ដែលជាហាងថែរក្សាសម្រស់ និងកែសម្ផស្សស្ត្រី ហើយវាកំពុងដំណើរការយ៉ាងជោគជ័យ ខណៈមួយថ្ងៃៗ ហាងនេះរកចំណូលបានរាប់ម៉ឺនបាតឯណោះ។ យ៉ាងណាមិញ ចំណូលជាក់លាក់ និងទ្រព្យសុទ្ធរបស់ ក្វាន់ យូសាម៉ានី នាពេលនេះ ពុំមាននរណាច្បាស់នោះទេ៕

ប្រែសម្រួល៖ សន្យា

ចុចអាន៖ តារាថៃ Kwan ទម្លាយថា នាងមានរាងតូចស្ដើង មិនមែនដោយសារការហាត់ប្រាណទេ

ចុចអាន៖ តារាកូរ៉េ ៥រូប មានអ្នកស្វែងរកច្រើនបំផុត ក្នុងខែនេះ