ស្រឡាញ់គ្នាជាមួយសេដ្ឋី Pranai ៣ឆ្នាំហើយ Taew នៅតែសិក្សាពីគ្នា មិនទាន់ចង់រៀបការ

មកទល់នឹងពេលនេះ តារាសម្ដែង Taew Nathaphon និងសេដ្ឋីហាយសូរ Pranai Phornprapha ស្រឡាញ់គ្នាអស់រយៈពេល ៣ឆ្នាំហើយ នៅតែមិនទាន់មានគម្រោងរៀបការនៅឡើយ ដោយសារពួកគេកំពុងសិក្សាស្វែងយល់ចិត្តគ្នា។

ប្រាប់នៅក្នុងបទសម្ភាសន៍មួយ Taew និយាយថា ទោះបី​ស្នេហា​រវាងនាង និងមិត្តប្រុសបន្តអស់ពេល ៣​ឆ្នាំពិតមែន ប៉ុន្តែអ្នកទាំងពីរពុំទាន់ចង់រៀបការនោះទេ មូលហេតុព្រោះកំពុងរៀនទទួលយកគ្នាទៅវិញទៅមក អ្វីៗស្ថិតនៅដំណាក់កាលដំបូងប៉ុណ្ណោះ។ ម្យ៉ាងពេលគិតដល់រឿងរៀបការ តារាស្រីវ័យ ៣៤ឆ្នាំ ហាក់រងសម្ពាធច្រើន ដោយសារនាងមិនទាន់រៀបខ្លួនធ្វើជាម្ដាយក្មេងនៅឡើយ។

ទោះយ៉ាងណា ពេលសួរដល់រឿងបង្កើតគ្រួសារយកទាយាទស្នងត្រកូលនាពេលអនាគត តួឯកស្រីរឿង “ព្រះម៉ែនាគី” ចង់បានកូនប្រុសជាជាងកូនស្រី ប៉ុន្តែមិនថ្វីបើបានកូនស្រី ក៏នាងស្រឡាញ់ថ្នាក់ថ្នម គ្រាន់តែបច្ចុប្បន្ន នាងមិនទាន់ចង់សាងគ្រួសារប៉ុណ្ណោះ៕

ប្រែសម្រួល៖ សន្យា

ចុចអាន៖ តាមពិតបវរកញ្ញាចក្រវាលថៃ Anntonia មានមិត្តប្រុសហើយ ជាកីឡាករបាល់ទាត់សិង្ហបុរី

ចុចអាន៖ ត្រៀមបង្ហាញខ្លួនក្នុងភាពយន្តថ្មី Jisoo រងមតិរិះគន់មិនសំចៃមាត់