ជីវិតកម្សាន្ដ

ត្រៀមបង្ហាញខ្លួនក្នុងភាពយន្តថ្មី Jisoo រងមតិរិះគន់មិនសំចៃមាត់

បានផុស

១ year មុន

នៅ

ថ្ងៃព្រហស្បតិ៍ ៣១ សីហា ២០២៣

ដោយ

ក្រោយពេលលេចមុខសម្ដែងភាពយន្តភាគជាលើកដំបូង កាលពីចុងឆ្នាំ២០២១ នៅចុងឆ្នាំ២០២៣នេះ តារាចម្រៀង Kim Jisoo សមាជិកក្រុម BLACKPINK ត្រៀមលេចមុខម្ដងទៀត ក្នុងភាពយន្តភាគថ្មី ប៉ុន្តែហាក់ដូចជាមិនសូវទទួលបានការគាំទ្រច្រើននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី៣១ ខែសីហា គេហទំព័រ YTN Star បានរាយការណ៍ថា Jisoo នឹងចូលរួមសម្តែងជាតួឯកស្រីក្នុងរឿងភាគថ្មីជាមួយតួឯកប្រុសលោក Park Jung Min។ ភាពយន្តភាគថ្មីនេះជាប្រភេទរឿងខ្មោចឆៅ (Zombie) ដែលចំណងជើង “Influenza” ។

យោងតាមរបាយការណ៍រឿង “Influenza” ដកស្រង់ពីប្រលោមលោក “Influenza” ដែលសាច់រឿងកើតឡើងនៅក្នុងអគារការពារអាកាស ក្នុងទីក្រុងសេអ៊ូល។ រឿងភាគនេះនឹងនិយាយអំពីទាហានម្នាក់ និងអតីតមិត្តស្រីរបស់គាត់ដែលបានរកឃើញគ្នាចំពេលមានហេតុការណ៍ខ្មោចឆៅផ្ទុះឡើង។

បន្ទាប់ពីដំណឹងនេះបានផ្សព្វផ្សាយ អ្នកលេងអ៊ីនធឺរណិតជាច្រើនបានបញ្ចេញប្រតិកម្មអវិជ្ជមានថា Jisoo មិនអាចសម្ដែងបានល្អនោះទេ។ ពួកគេទាំងនោះលើកឡើងផ្សេងៗដូចជា “ខ្ញុំចូលចិត្តសំឡេង Jisoo ប៉ុន្តែនាងមិនសមនឹងការសម្ដែងទេ, មិនទៅមើលទេ, ខ្ញុំមិនគិតថា Jisoo ជាតួសម្តែងល្អនោះទេ។ល។” ៕