ជីវិតកម្សាន្ដ

អ្នកគាំទ្រសរសើរ រចនា រ៉ាវ៉ាឌី ថា ស្រស់ស្អាតប្រកបដោយទំនុកចិត្ត

បានផុស

៦ ខែ មុន

នៅ

ថ្ងៃអាទិត្យ ១៧ កញ្ញា ២០២៣

ដោយ

មហាជនអ្នកគាំទ្រដឹងហើយថា កញ្ញា រចនា រ៉ាវ៉ាឌី ជាតារាស្រីវ័យក្មេងមួយរូបដែលទទួលបានការគាំទ្រ និងកំពុងក្រសោបបានទីផ្សារសម្តែងច្រើននាអំឡុងមួយរយៈពេលចុងក្រោយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាថ្មីៗនេះ កញ្ញា រចនា រ៉ាវ៉ាឌី ក៏បានសម្ញែងរូបភាពតុបតែងខ្លួនដ៏ស្រស់ស្អាត ទាក់ភ្នែកអ្នកគាំទ្រផងដែរ។ ទន្ទឹមគ្នា នៃការបង្ហាញខ្លួនជាមួយភាពស្រស់ស្អាត តារាសម្តែង រចនា រ៉ាវ៉ាឌី បានទទួលការគាំទ្រ និងសរសើរពីសំណាក់មហាជន ពិសេសមិត្តៗ យុវវ័យ ដែលនិយមស្នេហាវិស័យសិល្បៈរបស់ខ្មែរផងដែរ។ សម្រាប់សាមីខ្លួនកញ្ញា រចនា រ៉ាវ៉ាឌី ក៏បានបង្ហើបអារម្មណ៍របស់ខ្លួនថា «មនុស្សស្រីគ្រប់រូបគេមានចំណុចស្អាតរៀងៗ ខ្លួន សំខាន់លើខ្លួនយើងចេះតុបតែងខ្លួន ឬក៏ចេះធ្វើឲ្យខ្លួនឯងមានទំនុកចិត្ត និងលេចធ្លោដែរអត់»។ ជាការពិតភាពរឹងមាំរបស់តារាវ័យក្មេងរូបនេះបានធ្វើឲ្យអ្នកគាំទ្រកាន់តែលើកសរសើរ និងផ្តល់កម្លាំងចិត្តថែមទៀតដល់នាងគ្រប់ពេល។

តាមការកត់សម្គាល់បើតាមការលើកឡើងរបស់អ្នកស្នេហា និងគាំទ្រវិស័យសិល្បៈរបស់ខ្មែរ បានមើលឃើញថា តារាសម្ដែង រចនា រ៉ាវ៉ាឌី ថ្វីត្បិតនាងមានវ័យក្មេងក៏ពិតមែន តែសម្រាប់ប្រជាប្រិយភាព និងការគាំទ្រ នៅតែរក្សាបានដូចដើម។

ចំពោះការរក្សាបាននូវប្រជាប្រិយភាព និងការគាំទ្រនេះ ក៏ព្រោះតែ រចនា រ៉ាវ៉ាឌី គឺជាតារាសម្តែងខ្មែរមួយរូបមានសមត្ថភាពសម្តែងបានយ៉ាងល្អ បូករួមនឹងទេពកោសល្យសិល្បៈខ្ពស់ ព្រមទាំងមានអត្តចរិតស្លូតបូត និងសុភាពរាបសារទៀតផង៕

អត្ថបទ ៖ ចាន់រ៉ា