ជីវិតកម្សាន្ដ

តារាកំប្លែង ស្រីទូច រម្លឹករឿងកម្សត់បាត់បង់កូនស្រីក្នុងសម័យកាលកូវីដ-១៩

បានផុស

១ year មុន

នៅ

ថ្ងៃអង្គារ ១៧ តុលា ២០២៣

ដោយ

ទើបតែចប់នៃពិធីបុណ្យភ្ជុំបិណ្ឌថ្មីៗ ស្រាប់តែតារាកំប្លែងអ្នកស្រី ជុំ រស្មី ហៅ ស្រីទូច បានចេញមករម្លឹករឿងរ៉ាវដ៏កម្សត់បន្ទាប់ពីបាត់បង់កូនស្រីជាទីស្រលាញ់នៅក្នុងសម័យកាលជំងឺកូវីដ-១៩ ព្រោះការគិតខ្លីសម្រេចបញ្ចប់ជីវិតខ្លួនឯងទាំងនៅក្មេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតមកដល់ពេលនេះកូនស្រីរបស់តារាកំប្លែង ស្រីទូច និងនាយត្រដក់ បានទទួលមរណភាពមានរយៈពេល ច្រើនឆ្នាំមកហើយ ដោយការបញ្ចប់ជីវិតខ្លួនឯងការចង.ក។

ខ្លឹមសារដែលតារាកំប្លែងអ្នកស្រី ទូច បង្ហោះភ្ជាប់រូបភាពមួយចំនួនបានលើកឡើងថា «ក្នុងវេលាភ្ជុំបិណ្ឌនេះកូនៗ និងចៅៗ ចៅទួត ចៅប្រសាបានទៅវត្តប្រគេនព្រះសង្ឃចំនួនប្រាំមួយវត្តដើម្បីឧទ្ទិសកុសលផលបុណ្យសូមឲ្យបានដល់ ដួងវិញ្ញាណក្ខន្ធលោកប៉ា នឹងអ្នកម្ដាយ ជីដូន ជីតា ញ្ញាតិការ ទាំងប្រាំពីរសន្ដាន»។

តារាកំប្លែង ស្រី ទូច បានបន្តទៀតថា «សូមបួងសួងឧទ្ទិសដល់ដួងបដិសន្ធិ វិញ្ញាណរបស់អ្នកម្ដាយ កែវ មន្ថា សូមបានដល់ឋានស្ងប់សុខកុំឲ្យអ្នកម្ដាយរស់ក្នុងសំពាធផ្លូវចិត្តធ្ងន់ធ្ងរដូចជាតិនេះទៀត»។

អ្នកស្រី បញ្ជាក់ថា «រឿងមួយទៀតដែលខ្ញុំចងចាំមិនភ្លេច គឺកូនស្រី វ៉ាន់ ដានីត ហៅ ស្រីពេជ្យ កូនស្រីដ៏សែន កម្សត់របស់ម្ដាយ ខំរកស៊ីមានដើមទុនបន្តិចបន្តួចក៏ខាតបង់ពេលកូវីដផ្ទុះខ្លាំងពេលនោះកូនម្ដាយសម្រេចចិត្តគិតខ្លីទាំងកូននៅក្មេង» ។

អ្នកស្រី ទូចបន្តទៀតថា «ពេលធ្វើបុណ្យហើយមានមនុស្សអាក្រក់ សាហាវស្រែកពោលពាក្យថា បើយកធាតុកូនទៅដាក់នៅចិតិយ៍របស់ជីទួតរបស់កូនពួកគេនឹងគ្រវែងធាតុកូនម្ដាយចោលទាំងម្ដាយនឹងបងប្អូនគ្មានបំណងយកកូនទៅឆ្ងាយទេ ព្រោះតែអាល័យកូនខ្លាំងណាស់ ម្ដាយនឹងខំសន្សំជាមួយបងប្អូនកូនដើម្បីសង់ ផ្ទះថ្មីឲ្យកូនទាល់តែបាន សូមដួងវិញ្ញាណរបស់កូនបានស្ងប់សុខ។

អ្នកស្រីទូច បានបន្ថែមថា ទង្វើដែលធ្វើឲ្យគ្រួសាគេឈឺចាប់បាបកម្មមិនដែលភ្លេចម្ចាស់ដែលបានសាងខ្លួនឯងឡើយ។

គួររម្លឹកថា កូនស្រីតារាកំប្លែងអ្នកស្រី ជុំ រស្មី ហៅ ស្រី ទូច និងតារាកំប្លែងនាយ ត្រដក់ បានទទួលមរណភាពកាលពីអំឡុងឆ្នាំ២០២០ ហើយដោយការធ្វើអត្តឃាតបញ្ចប់ជីវិតខ្លួនឯងទាំងវ័យក្មេង៕

អត្ថបទ៖ ចាន់រ៉ា