អ្នកគាំទ្រដែលទទួលបានមួកពី Taylor Swift បាត់បង់ជីវិតចំថ្ងៃពិសេស

អ្នកគាំទ្រ Taylor Swift ដែលទទួលបានអំណោយមួកពីនាងអំឡុងពេលប្រគំតន្ត្រីបានស្លាប់ បន្ទាប់ពីមានជំងឺមហារីករយៈពេល ៥ ឆ្នាំ ។

នាងមានឈ្មោះថា Ally Anderson អាយុ ១៦ ឆ្នាំ និងជាអ្នកជំងឺ alveolar rhabdomyosarcoma ដំណាក់កាលទី ៤ ដែលជាមហារីកជាលិកាទន់ដ៏កម្រ ។ Ally ស្លាប់ចំថ្ងៃទី១៣ ខែវិច្ឆិកា វេលាម៉ោង ១៣ ដែលលេខ ១៣ ជាលេខសំណព្វចិត្ត Taylor Swift ទៀតផង ។

កាលពីថ្ងៃទី១ ខែកក្កដា ក្មេងជំទង់រូបនេះបានចូលរួមការប្រគំតន្ត្រី Eras Tour នៅទីក្រុង Cincinnati ហើយនាងត្រូវបានគេនាំពីកន្លែងអង្គុយមកខាងមុខឆាក ។ គ្រានោះ Taylor ជូនមួកពណ៌ខ្មៅដល់ Ally ធ្វើឲ្យនាងនិងម្ដាយឈ្មោះ Patty Garner Anderson រំភើបយ៉ាងខ្លាំង ។

អ្នកស្រី Patty រៀបរាប់ថា ខ្លួន និងកូនស្រីជាអ្នកគាំទ្រ Taylor Swift យូរហើយ ។ ពួកគេធ្លាប់ចូលរួមការប្រគំតន្ត្រី Talor តាំងពីឆ្នាំ ២០១៥ មកម្ល៉េះ ព្រោះចម្រៀងរបស់ Taylor ជួយលើកទឹកចិត្តកូនស្រីរបស់គាត់ ៕

ប្រែសម្រួល៖ វារី

ប្រភព៖ Dailymail

ចុចអាន៖ Taylor Swift សំណូមពរឲ្យអ្នកគាំទ្រឈប់បោះអំណោយមកលើឆាក