ទស្សនិកជនសម្រុកចង់ដឹង អ្នកដែលផាត់មុខឲ្យ Lisa ប្លែកចំណាំលែងស្គាល់

កាលពីពេលថ្មីៗនេះ Lisa សមាជិកក្រុម BLACKPINK បានធ្វើដំណើរទៅចូលរួមកម្មវិធីសម្ពោធជាផ្លូវការរបស់ CELINE Siam Paragon ក្នុងឋានៈជា Global Brand Ambassador លើទឹកដីកំណើតខ្លួនឯង ដោយក្នុងនោះក៏មានវត្តមាន Park Bo Gum ផងដែរ។

អំឡុងពេលនោះ Lisa បាន​បង្ហាញ​ខ្លួន​ជាមួយ​នឹង​រូបរាង​ដ៏​ស្រស់​ស្អាត​សឹងតែចំណាំមិនបាន។ សមាជិកក្រុម BLACKPINK រូបនេះបានស្លៀកឈុតដ៏ស្រស់ស្អាតពី Women’s Summer 2024 Collection “Tomboy” ជាមួយនឹងកាបូប MEDIUM TILLY IN BLACK SHINY CALFSKIN ប៉ុន្តែអ្វីដែលអ្នកគាំទ្រសរសើរ និងនិយាយច្រើននោះគឺការតុបតែងខ្លួន និងម៉ូដសក់ដ៏ស្រស់ស្អាតរបស់នាង។

ជាមួយគ្នានេះដែរ អ្នកគាំទ្រជាច្រើនបានចូលទៅបញ្ចេញមតិលើរូបភាពរបស់នាងថា Lisa មើលទៅដូចតុក្កតាជ័រ​ការផាត់មុខម្ដងនេះពិតជាប្លែកខ្លាំងជាងរាល់ដង។ សូម្បីតែការស្លៀកពាក់ ក៏មិនដូចមុន ដែលនេះបង្ហាញថាទម្រង់មុខមាត់បានមកពីការតុបតែងពីជាងដ៏ល្បីមិនខានឡើយ។

ទោះយ៉ាងណាក៏ដោយ មិនឲ្យទស្សនិកជនរង់ចាំយូរនូវស្នាដៃជាងផាត់មុខឲ្យ Lisa​ ភ្លាមៗនោះអ្នកគាំទ្រដែលធ្លាប់ដឹងពីស្នាដៃដ៏ចំណាននេះបានទម្លាយថា អ្នកដែលនៅពីក្រោយរូបរាងដ៏ស្រស់ស្អាតរបស់ Lisa គឺជាអ្នកផាត់មុខមានឈ្មោះថា Maeng នាងជាអ្នកផាត់មុខជនជាតិកូរ៉េដ៏ល្បីម្នាក់ ដែលបានបង្កើតរូបរាងដ៏ស្រស់ស្អាតសម្រាប់តារាល្បីៗរាប់មិនអស់។

ទន្ទឹមនោះផងដែរ ជាងផាត់មុខ Maeng ក៏បានចែករំលែកនូវគ្រឿងសម្អាងដែលផ្លាស់ប្តូររូបរាង Lisa ផងដែរ រួមមាន៖

-Foundation ជាផលិតផលរបស់ Chanel Beauty ultra le teint fluide BD01

-Eyeshadow ជាផលិតផលរបស់ Dasique Muted nuts

-Mascara ជាផលិតផលរបស់ Dior iconic over curl mascara

-Brush ជាផលិតផលរបស់ Gucci De beaute 01 Silky Rose

-ក្រែមលាបបបូរមាត់ ជាផលិតផលរបស់ Chanel lip and check balm 01 Red camellia, Rom&nd glasting color gloss 06 ៕

ប្រែសម្រួល៖ សាង ស្រីល័ក្ខ

ចុចអាន៖ផ្ទុះរឿងអាស្រូវមិនបង់ពន្ធ Park Yoochun បែររៀបចំកម្មវិធីជួបអ្នកគាំទ្រយ៉ាងអធិកអធម