ជីវិតកម្សាន្ដ

ដើម្បីស្លៀកឈុតសិចស៊ីបង្អួតទស្សនិកជន តារាចិន Ni Ni ត្រូវទ្រាំត្រជាក់ក្នុងអាកាសធាតុដកសូន្យ

បានផុស

១ year មុន

នៅ

ថ្ងៃសុក្រ ២៩ ធ្នូ ២០២៣

ដោយ

តារាស្រីចិនវ័យ៣៥ឆ្នាំ Ni Ni បានបង្ហាញខ្លួនក្នុងព្រឹត្តិការណ៍របស់ម៉ាកយីហោដ៏ល្បីមួយ នាងស្ថិតក្នុងឈុតដ៏សិចស៊ីវាលទ្រូង ខណៈដែលអាកាសធាតុនៅទីក្រុងសៀងហៃ -៧ អង្សាសេឯណោះ។

ក្នុងអំឡុងពេលដើរលើកម្រាលព្រំក្រហម ទោះបីជាមុខរបស់នាងញញឹមដាក់កាមេរ៉ាក៏ដោយ ប៉ុន្តែអ្នកដែលបង្ហាញវត្តមាមក្នុងកម្មវិធីមួយនេះ បានសង្កេតឃើញថារាងកាយរបស់នាងញាប់ញ័រនៅក្នុងអាកាសធាតុដកសូន្យអង្សាសេ ដែលធ្វើឲ្យNi Ni ត្រជាក់ខ្លាំងស្ទើរតែមិនអាចឈរបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ក្រោយពីបញ្ចប់កម្មវិធីភ្លាមៗ តារាសម្ដែងចិនរូបនេះបានយកអាវពណ៌ខ្មៅមកគ្រប់ពីលើឥតបង្អង់ដើម្បីផ្តល់ភាពកក់ក្តៅដល់រាងកាយ។ ប៉ុន្តែពេលនាងត្រូវដោះអាវខ្មៅដើម្បីឡើងឆាកម្តងទៀត ឃើញថារាងកាយនាងញ័រម្តងទៀត។

យ៉ាងណាមិញ បន្ទាប់ពីរូបភាពរបស់ Ni Ni នេះត្រូវបានបញ្ចេញជាសាធារណៈ មហាជនជាច្រើនបានសម្តែងការអាណិតអាសូរ ភាគច្រើនអាណិតនាងនិងចោទជាសំណួរថា ហេតុអ្វីតារាស្រីត្រូវធ្វើទារុណកម្មខ្លួនឯងបែបនេះ? ទោះបីជាអាជីពនៅខាងមុខសំខាន់ខ្លាំងក៏ដោយ ប៉ុន្តែសុខភាពរបស់នាងក៏មានសារៈសំខាន់ដូចគ្នា។

សូមបញ្ចាក់ដែរថា Ni Ni ជាតារាសម្ដែងចិនល្បីខាងសម្ដែងរឿង Yu Mo ក្នុងរឿង The Flowers of War ឆ្នាំ ២០១១ ដែលដឹកនាំដោយ Zhang Yimou និង Ling Xi នៅក្នុងរឿងភាគទូរទស្សន៍ឆ្នាំ ២០១៩ Love and Destiny ។ នាងត្រូវបានគេចាត់ទុកថាជាតារាសម្ដែងស្រីជាន់ថ្មីទាំងបួនរូបដោយកាសែត Southern Metropolis Daily ផងដែរ៕