ជីវិតកម្សាន្ដ

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

បានផុស

២ years មុន

នៅ

ថ្ងៃសុក្រ ២២ មីនា ២០២៤

ដោយ

តារាចម្រៀងលោក ឃុំ ប៉ុណ្ណាដែត បានចេញមកស្នើដល់មន្ត្រីចរាចរណ៍គួរតែប្រកាន់ភ្ជាប់នូវសុជីវធម៌ ក្រមសីលធម៌ ចំពោះប្រជាពលរដ្ឋខណៈដែលលោកលើកឡើងថា បើយើងធ្វើល្អជាគំរូនោះនឹងមានការលើកសរសើរជាមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់លោក ឃុំ ប៉ុណ្ណាដែត នេះស្របពេលដែលមានការស៊ែចែករំលែកខ្លឹមសារមួយដែលបានបង្ហោះនៅលើបណ្តាញសង្គមក្នុងរូបភាពសរសើរ នគរបាលចរាចរណ៍ខេត្តបន្ទាយមានជ័យចំពោះការអនុវត្តិច្បាប់ចរាចរណ៍ដោយមានសីលធម៌ និងមានសុជីវធម៌ទៅកាន់ប្រជាពលរដ្ឋ។ លោក ឃុំ ប៉ុណ្ណាដែត បានលើកឡើងថា ពេលខ្លះតម្លៃរបស់យើង គឺស្ថិតលើទង្វើររបស់យើងដូចគ្នា បើយើងធ្វើល្អជាគំរូនោះនឹងមានការ លើកសរសើរ តែបើយើងធ្វើមិនល្អ ឬហួសតួនាទីកុំបន្ទោសគេថាចេះតែរិះគន់។

តារាចម្រៀងលោក ឃុំ ប៉ុណ្ណាដែត បាននិយាយបន្តថា មានបងប្អូនចរាចរណ៍មួយចំនួនដែលខ្វះសីលធម៌សម្តីដូចមិនបានចូលសាលា(បើបានចូលសាលាមែននោះគាត់នឹងយល់ពីតួនាទីពិត សុជីវធម៌ មកកាន់ប្រជាពលរដ្ឋដោយក្រមសីលធម៌)។ សូមបញ្ជាក់តាម ក្រសួង និងស្ថាប័ននីមួយៗតែងតែមានបង្រៀនម៉ោងសីលធម៌ មិនថា ប៉ូលិស គ្រូបង្រៀន ពេទ្យ ឬផ្នែកច្បាប់..។ ល។

លោកបន្តទៀតថា ក្នុងនោះគឺត្រូវតែមានសុជីវធម៌ និងសីលធម៌ក្នុងការនិយាយស្តីមុននឹង លោក លោកស្រី ជេរ ប្រមាថ មើលងាយ ដល់ប្រជាពលរដ្ឋតូចតាច អស់លោកត្រូវដឹងថា ពួកគាត់ពិតជាមិនមានចំណេះជំនាញនោះទេ ទើបគាត់មកពឹងលើអស់លោក។ ដូច្នេះ ត្រូវចេះប្រើភាសាល្អៗជូនទៅពួកគាត់ដើម្បីបង្ហាញថា យើងជាអ្នកចេះពិតប្រាកដ ជៀសវាង ពួកគាត់លួចខ្សឹប ថាអស់លោកនិយាយមកដូចមនុស្សមិនដែលចូលសាលាទាំងដែលអស់លោកបានចូលសាលាពេញៗម៉ោងរួចហើយនោះ។

សូមបញ្ជាក់ដែរថា ការគោរពច្បាប់ចរាចរណ៍ស្មើនឹងគោរពជីវិតខ្លួនឯង! ថ្ងៃនេះ ថ្ងៃស្អែក កុំឲ្យមានគ្រោះថ្នាក់ចរាចរណ៍!មិនត្រូវបើកបរក្រោមឥទ្ធិពលនៃជាតិស្រវឹង ឬសារធាតុញៀន! ពេលបើកបរត្រូវប្រកាន់ខ្ជាប់នូវសុជីវធម៌ សីលធម៌ និងការយោគយល់អធ្យាស្រ័យទៅវិញទៅមក៕

អត្ថបទ៖ ចាន់រ៉ា