តារាកំប្លែងនាយ ក្រឹម រំភើបចិត្តខ្លាំងពេលឃើញកូនៗចេះស្រឡាញ់រាប់អានប្អូនស្រីភ្លោះ

តារាកំប្លែងជើងចាស់ លោកអ៊ូ ប៉ុណ្ណារ៉ាត់ ហៅនាយ ក្រឹម បានសម្តែងអារម្មណ៍រំភើបចិត្តខ្លាំងបន្ទាប់ ពីឃើញកូនៗរបស់លោក ចេះស្រលាញ់រាប់អានគ្នាដោយមិនប្រកាន់ថ្វីត្បិតកូនភ្លោះក្រោយរបស់នាយក្រឹមមានផ្ទៃម្តាយផ្សេងគ្នាក៏ពិតមែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងដោយបង្ហាញ ពីភាពសប្បាយចិត្តពីសំណាក់តារាកំប្លែងនាយ ក្រឹមនេះ គឺស្របពេលដែលគ្រួ សាររបស់លោក បានជួបជុំគ្នាក្នុងឱកាសដ៏រីករាយនៃខួបកំណើរចៅសំណព្វចិត្តកាលពីថ្មីៗនេះ។ នាយ ក្រឹម បាននិយាយថា ម្សិលមិញខួបចៅសំណព្វ Thalia ចៅទី១ ជួបជុំទាំងកូនទាំងចៅទាំងម៉ាក់ធំ ទាំងជីដូន នឹងកូនក្មួយអរគុណកូនច្បងទាំងអស់ដែលអាណិត នឹងស្រឡាញ់ប្អូនស្រីភ្លោះជាឈាមតែមួយ ។

តារាកំប្លែងចាស់វស្សានាយ ក្រឹម បានបញ្ជាក់ទៀតថា អ្វីគ្រប់យ៉ាងតែងតែប្រែប្រួលឪពុកពិសប្បាយចិត្តណាស់ពេលឃើញកូនចេះស្រឡាញ់រាប់អានគ្នា។ ជាមួយគ្នានោះ ក៏មានមហាជន និងអ្នកគាំទ្រមួយចំនួនបានចូលរួមអបអរ និងសរសើរទឹកចិត្តរបស់ក្រុមគ្រួសារនាយ ក្រឹម ផងដែរ។

គួររបញ្ជាក់ថា បើតាមការកត់សម្គាល់ឃើញកូន​ភ្លោះ​ស្រី​ទាំង​ពីរ​នាក់ដែលជា​តំណក់​ឈាម​ររួមគ្នារវាង ស្រីលាភ និងតារាកំប្លែងនាយ ក្រឹម មកដល់ពេលនេះគឺកាន់​តែ​ធំ​កាន់​តែ​ស្រស់​ស្អាត​ឡើង​​ពីមួយ​ថ្ងៃ​ទៅ​មួយ​ថ្ងៃជាមួយ​កាយវិការ​ក្រមិចក្រមើម​គួរ​ឱ្យ​ក្នាញ់ ផងដែរ៕

អត្ថបទ ៖ ចាន់រ៉ា