ជីវិតកម្សាន្ដ

តារាសម្ដែងស្រីសម្បូរទឹកភ្នែកប្រកាសថា មានម្ចាស់បេះដូងហើយ តែមិនហ៊ានបង្ហាញមុខ

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

បន្ទាប់ពីបាត់មុខក្នុងវិស័យសិល្បៈមួយរយៈ ក្រោយពេលផ្ទុះរឿងរ៉ាវអាស្រូវបែកបាក់អតីតគូដណ្តឹងដែលជាអាណិកជនខ្មែរនៅអាមេរិកនោះ តារាសម្តែងទឹកភ្នែក នី មុន្នីនាថ ថ្មីៗនេះបានចេញមុខប្រកាសដោយក្លាហានអំពីចំណងស្នេហាថ្មីរបស់ខ្លួន។

ជួបនៅក្នុងកិច្ចសម្ភាសន៍តារាសម្តែងសម្បូរទឹកភ្នែក នី មុន្នីនាថ បានថ្លែងថា ការបាត់មួយរយៈកន្លងទៅនោះ ដោយសារតែនាងរវល់ការងាររកស៊ីផ្ទាល់ខ្លួន។ ដោយឡែកទាក់ទងនឹងរឿងជីវិតស្នេហាត្រូវបាន នី មុន្នីនាថ សារភាពថា បច្ចុប្បន្ននាងមានម្ចាស់បេះដូងរួចហើយ ក្រោយចំណងស្នេហ៍ចាស់ត្រូវបានកាត់ផ្តាច់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រីស្រស់ នី មុន្នីនាថ បានបញ្ជាក់ថា សម្រាប់នាងនិងគូដណ្តឹងគឺស្រលាញ់គ្នាមានរយៈពេលជាង២ ឆ្នាំមកហើយតែស្ថិតក្នុងពេលនេះ គឺកំពុងតាមដាន មើលចិត្តគ្នាផងដែរ។ នាងថា ខ្ញុំទទួលមានទំនាក់ទំនងស្នេហា២ឆ្នាំ ប៉ុន្តែរហូតមកទល់ពេលនេះ នៅមិនទាន់ហ៊ានបង្ហាញមុខគាត់ទេ(គូស្នេហ៍) ព្រោះរង់ចាំដល់ថ្ងៃក្រាបក្បាលដល់កន្ទេលតែម្តង។

តារាសម្តែង នី មុន្នីនាថ បាននិយាយទៀតថា នាងនឹងបង្ហាញមុខម្ចាស់បេះដូងឲ្យមហាជនបានដឹងជាសារធារណៈប្រសិនដល់ពេលវេលាល្អនៃថ្ងៃចូលរោងជ័យដើម្បីបញ្ជាក់ពីសក្ខីភាពស្នេហាស្មោះស្ម័គ្ររវាងនាងនិងអនាគត់ស្វាមី។ ប៉ុន្តែយ៉ាងណាមិញនាងមិនបញ្ជាក់ទេថាថ្ងៃល្អថ្ងៃជោគជ័យរបស់នាងនិងគូស្នេហ៍អាចធ្វើឡើងពេលវេលាណាមួយនៅឡើយទេ៕

អត្ថបទ ៖ ចាន់រ៉ា