ជីវិតកម្សាន្ដ

ខេមរៈ សិរីមន្ត ចាត់ទុកអ្នកសិល្បៈជាអ្នកបង្កើតស្នាមញញឹម និងជាគំរូល្អរបស់សង្គម

បានផុស

២ years មុន

នៅ

ថ្ងៃសុក្រ ២៤ ឧសភា ២០២៤

ដោយ

តារាចម្រៀងចាស់វស្សាឧកញ៉ា ខេមរៈ សិរីមន្ត បានចេញមកពន្យល់នូវអត្ថន័យនៃអ្នកសិល្បៈ ខណៈលោកក៏បានចាត់ទុកថាអ្នកសិល្បៈជាអ្នកបង្កើតស្នាមញញឹមក្តីស្រលាញ់ និងជាគំរូល្អរបស់សង្គមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈខ្លឹមសារតារាចម្រៀងងារជាឧកញ៉ាលោក ខេមរៈ សិរីមន្ត នេះបានធ្វើឲ្យអ្នកគាំទ្រលោកមួយចំនួនយល់ស្របចំពោះមតិលើកឡើងរបស់លោក ខេមរៈ សិរីមន្ត ប៉ុន្តែដោយឡែកពីនេះក៏មានមតិខ្លះបានគិតថាការលើកឡើងនេះមិនមែនជានិយមន័យសិល្បៈករទេ ។

លោក ខេមរៈ សិរីមន្ត បានបញ្ជាក់ថា “និយមន័យនៃអ្នកសិល្បៈ (អ្នកសិល្បៈជាអ្នកបង្កើតស្នាមញញឹម ក្ដីស្រលាញ់ និងជាគំរូល្អរបស់សង្គម មិនបំពានសិទ្ធអ្នកដទៃជាដាច់ខាត នោះទើបជាអ្នកសិល្បៈពិតប្រាកដ)បើគ្មានចំណុចនេះនៅក្នុងខ្លួនទេសូមកុំបន្លំធ្វើជាអ្នកសិល្បៈ“។

ទន្ទឹមគ្នានេះក៏មានម្ចាស់គណនីហ្វេសប៊ុកបានបញ្ចេញមតិទៅកាន់លោក ខេមរៈ សិរីមន្ត វិញថា «អ្វីដែលបងលើកមកនេះវាមិនមែនជានិយមន័យសិល្បៈករទេ។ វាជាកិច្ចរបស់សិល្បករ។ លក្ខណៈរបស់សិល្បករគឺ៤ យ៉ាង,១. មានចំណេះ និងជំនាញជាលក្ខណៈ, ២.ច្នៃ ប្រឌិតបន្ថែមថែរក្សា និងស្រាវជ្រាវជាកិច្ច, ៣.មានមនសិការជាហេតុជិត, ៤.មាន fansជាទ្របាត»។

ម្ចាស់គណនីរូបនេះបានបន្ថែមថា ប៉ុន្តែដើម្បីក្លាយជាសិល្បៈករមួយរូបដែលចាត់ទុកថាជាបុគ្គលជាគំរូត្រូវមានចិត្តដូចម្ដេច? សំណួរនេះទុកឱ្យបងជាសិល្បៈករជាអ្នកឆ្លើយ, សូមអរគុណ!។ មានការលើកឡើងបន្ថែមដែរថា ការគោរពគ្នាជារឿងល្អបំផុត៕

អត្ថបទ៖ ចាន់រ៉ា