ជីវិតកម្សាន្ដ

មិនចង់ឃើញវប្បធម៌តែស្ករ វប្បធម៌ជេរប្រមាថ លីម តិចម៉េង ព្រមាន block អ្នករិះគន់ខ្លួន

បានផុស

១ year មុន

នៅ

ថ្ងៃពុធ ៣ កក្កដា ២០២៤

ដោយ

តារាចម្រៀងលោក លីម តិចម៉េង បានចេញការព្រមានដល់អ្នកគាំទ្រ ឬមិត្តភក្តិនៅលើបណ្តាញទំនាក់ទំនងសង្គមហ្វេសប៊ុកថា លោកនឹងប្រើវិធានការ block ចំពោះអ្នកដែលរិះគន់ខ្លួន ក្រោមមូលហេតុមិនចង់ឃើញវប្បធម៌តែស្ករ វប្បធម៌ជេប្រមាថជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់លោក លីម តិចម៉េង ដែលជាតារាចម្រៀងកំពុងពេញនិយមសម្រាប់មិត្តៗយុវ័យ ខណៈកន្លងមកតែងមានបុគ្គលមួយចំនួនចូលបញ្ចេញមតិដោយខ្វះការពិចារណា ឬជាការរិះគន់មកលើលោកជាដើម។ម្យ៉ាងទៀតកាលពីកន្លងទៅ តិចម៉េង ក៏ធ្លាប់ចាត់ទុកថា សីលធម៌ គុណធម៌ ការយល់ដឹងខ្មែរមួយចំនួននៅមានភាពទន់ខ្សោយ។

តាមរយៈខ្លឹមសារដែលតារាវ័យក្មេងរូបនេះលើកឡើងបានបញ្ជាក់ថា «ចូលComments បែបភ្លាវៗ ជាន់ ជេ ប្រមាថ មើលងាយ ទាំងមិនដឹងក្បាល ឬកន្ទុយ បែងចែកមិនដាច់ពីវត្ថុបំណង អ៊ីចឹងយើងកុំឈ្លោះ កុំតបតែ block ចោលតែម្តងអត់ខុសណាបងប្អូនយើង? ខ្លាចខុសទៀត»។

លោក លីម តិចម៉េង បានប្រាប់ពីហេតុផលទៀតថា ការធ្វើបែបនេះដោយសារមិនចង់ឃើញវប្បធម៌តែស្ករ វប្បធម៌ជាន់ជេ មិនចង់ឃើញសូម្បីតែអូសកាត់(សុំទោស)។ លោកថា ខំរៀនខំតាមដានជំងឺស៊ីចុកដេកឲ្យគ្រប់គ្រាន់ទើបជាពាក្យត្រូវនិយាយបើអាណិត។

តារាចម្រៀងវ័យក្មេង លីម តិចម៉េង បន្ទាប់ពីក្លាយជាម្ចាស់ពានបច្ចុប្បន្នត្រូវបានគេកត់សម្គាល់ឃើញថា ទាំងប្រជាប្រិយភាព និងសន្ទុះនៃការគាំទ្រទស្សនិកជន មានការកើនឡើងជាបន្តបន្ទាប់ពិសេសតាមរយៈការឡើងច្រៀងលើឆាកម្តងៗមានអ្នកទៅច្រើនគួរសម៕

អត្ថបទ៖ ចាន់រ៉ា