ផលិតករ Kim Kwang Soo ប្រាប់ការពិតនៅពីក្រោយការ Bully លើក្រុម T-ara

ផលិតករ Kim Kwang Soo ដែលត្រូវបានគេស្គាល់ថាជា Midas touch of the entertainment industry ឬជាបុគ្គលនៅពីក្រោយការចាប់ផ្តើមដំបូងរបស់តារា​សម្តែង Lee Mi Yeon តារាចម្រៀង Jo Sung Mo, Davichi និងក្រុម T-ara នាពេលថ្មីៗនេះ បានធ្វើឲ្យមានការភ្ញាក់ផ្អើលនៅក្នុងវីដេអូមួយសម្រាប់ភាគទី៨ ក្នុងរដូវកាលទី៣ នៃកម្មវិធីបង្ហាញការពិតរបស់ MBN Let’s GO។

ពិធីករ Ahn Jung Hwan និង Hong Hyun Hee បានសួរលោក Kim Kwang Soo អំពីពាក្យចចាមអារ៉ាមផ្សេងៗ​ រួមទាំងថា តើគាត់ធ្លាប់ណាត់ជួបជាមួយសិល្បកររបស់គាត់ដែរឬទេ។ ប៉ុន្តែបុរសរូបនេះពុំឆ្លើយតបត្រង់ៗទេ ​បែរជានាំពិធីករនិយាយលេងសើចនឹងរឿងផ្សេងវិញ។

លើសពីនេះ នៅចុងបញ្ចប់វីដែអូ ពួកគេបានលើកឡើងនូវភាពចម្រូងចម្រាសនៃការសម្លុតដ៏អាក្រក់លើក្រុម T-ara ហើយ Kim Kwang Soo បានបង្ហាញថាមិនមានរឿងបែបនេះកើតឡើងទេ ហើយគ្រប់យ៉ាងគឺសុទ្ធតែចង់ឲ្យតារាដែលខ្លួនខំត្រួសត្រាយទៅមុខ មានអនាគតតែប៉ុណ្ណោះ។

ទន្ទឹមគ្នានោះដែរ វាក៏មានពាក្យចចាមអារ៉ាមដ៏គួរឲ្យខ្លាចមួយផងដែរ ដែលពាក្យចចាមអារ៉ាមដ៏យូរអង្វែងរបស់ Kim Kwang Soo ត្រូវបានចោទប្រកាន់ថាបានវាយប្រហារ Kim Jong Kook ក្នុងអំឡុងពេលហ្វឹកហាត់របស់គាត់។ ឆ្លើយ​តប​នឹង​សំណួរ​របស់​ពិធីករ លោកថាមិនមែនជាការពិតទេ ​គ្រប់យ៉ាងនៅលើផ្លូវសិល្បៈត្រូវមានតែភាពលំបាកមកមុន ទើបគ្រប់គ្នាទទួលបានជោគជ័យ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង  ស្រីល័ក្ខ

ចុចអាន៖BTS នឹងមិនត្រឡប់មកវិញ នៅឆ្នាំ២០២៥ ដូចការគ្រោងទុកទេ