តា វ៉ិចទ័រ ដាស់តឿនយុវជនទម្លាប់ខ្លួនឱ្យល្អ ពេលមានឱកាសឪពុកម្តាយទំនុកបម្រុងរៀនសូត្រ

ជាការដាស់តឿនស្មារតីដល់យុវជន ដែលជាទំពាំងស្នងឬស្សីផលិតករកម្មវិធីកម្សាន្តល្បីឈ្មោះ និងជាប្រធានក្រុមកំប្លែងលោក សុវណ្ណ រិទ្ធី ហៅលោក តា វ៉ិ​ច​ទ័​រ បានចេញមកបំផុសសម្រាប់ក្មេងៗជំនាន់ក្រោយឲឱ្យខិតខំរៀនសូត្រដើម្បីក្រេបយកចំណេះដឹងទៅថ្ងៃអនាគត។

ទន្ទឹមគ្នានោះដែរ លោកតា វ៉ិចទ័រ ក៏បានក្រើនរម្លឹកទៅយុវជនគ្រប់រូបដែរថា ដើម្បីក្លាយខ្លួនជាកូនល្អ សិស្សល្អ នៅក្នុងសង្គម ចូរប្អូនៗត្រូវបន្តការទម្លាប់ខ្លួនឱ្យល្អ ខណ:ពេលនៅមានឱកាសដែលលោកឪពុកអ្នកម្តាយ បានផ្គត់ផ្គង់ទំនុកបម្រុងរៀនសូត្រក្នុងការចាប់យកចំណេះវិជ្ជាសម្រាប់ខ្លួនឯង និងសង្គមជាតិ។

លោក សុវណ្ណ រិទ្ធី ហៅលោកតា វ៉ិ​ច​ទ័​រ បានលើកឡើងខ្លឹមសារខ្លីដោយអត្ថន័យអប់រំដូច្នេះថា “មានឪពុកម្តាយនៅទំនុកបម្រុងខំប្រឹងរៀនសូត្រ និងទម្លាប់ខ្លួនឱ្យល្អណាកូនក្មួយៗ”។ ខ្លឹមសារនេះ ក្នុងន័យដាស់តឿនយុវជនដែលជាកូនខ្មែរគ្រប់រូបគួរគប្បីធ្វើឱ្យបានល្អតាមរយ:ការសិក្សាដែលចំណេះគឺជាស្ពានសម្រាប់ចំណងទៅថ្ងៃអនាគត។

គួរបញ្ជាក់ថា លោកតា វ៉ិ​ច​ទ័​រ ធ្លាប់អះអាងឆន្ទ:របស់ខ្លួនថា គុណធម៌ជីវិតបើទោះលោកទៅដល់ជើងមេឃក៏មិនភ្លេចគុណអ្នកជួយលោកដែរ។ គិតមកដល់ពេលនេះ លោកតាវ៉ិចទ័រ បានសាងកេរ្តិ៍ឈ្មោះលើវិថីកំប្លែងមានរយ:ពេលយូរឆ្នាំមកហើយ ខណ:ដែលការងារលោកបច្ចុប្បន្នកាន់តែមានសន្ទុះនិងទីផ្សារគាំទ្រតាមរយ:ការផលិតរឿងកំប្លែងខ្លីៗផងនោះ៕ អត្ថបទ៖ ចាន់រ៉ា