ជីវិតកម្សាន្ដ

Jungkook ឈ្នះពាន BBMA ២ឆ្នាំជាប់គ្នា ទោះកំពុងបំពេញកាតព្វកិច្ចយោធា

បានផុស

១ year មុន

នៅ

ថ្ងៃសុក្រ ១៣ ធ្នូ ២០២៤

ដោយ

Jungkook នៃក្រុមចម្រៀង K-pop BTS ទទួលបានពានរង្វាន់ចំនួនពីរនៅក្នុងកម្មវិធី Billboard Music Awards ឆ្នាំ ២០២៤ ដែលជាពានរង្វាន់តន្ត្រីប៉ុបដ៏សំខាន់មួយនៅក្នុងសហរដ្ឋអាមេរិក។ តារាចម្រៀងរូបនេះបានឈ្នះនៅក្នុងអាល់ប៊ុមចម្រៀង K-pop កំពូល និងប្រភេទចម្រៀង K-pop សកលសម្រាប់អាល់ប៊ុមទោលដំបូងរបស់គាត់ដែលមានចំណងជើងថា «Golden» និងបទសំខាន់មួយទៀត «Standing Next to You» រៀងគ្នាក្នុងពិធីប្រគល់ពានរង្វាន់នៅទីក្រុង Los Angeles កាលពីថ្ងៃព្រហស្បតិ៍។

ការឈ្នះពានឆ្នាំទីពីរជាប់គ្នារបស់ Jungkook នៅ BBMAs ក៏ជាការកត់សម្គាល់ពីភាពជោគជ័យដ៏ធំបំផុតនៅក្នុងអាជីព។ ទោះជាយ៉ាងណាក៏ដោយ តារាប្រុសមិនអាចចូលរួមក្នុងពិធីនេះបានទេ ខណៈដែលបច្ចុប្បន្នគាត់កំពុងបំពេញកាតព្វកិច្ចយោធានៅប្រទេសកូរ៉េឯណោះ។

ដោយឡែក សកម្មភាព K-pop ផ្សេងទៀត ក៏បានធ្វើឲ្យពួកគេទទួលបានពានរង្វាន់ផងដែរ។ សមាជិកក្រុម Stray Kids ក៏បានឈ្នះពានរង្វាន់ Top Global K-pop Artist ខណៈដែល Seventeen បានឈ្នះពានរង្វាន់ Top K-pop Touring Artist ។

ក្រុម Stray Kids បាននិយាយនៅក្នុងសុន្ទរកថាទទួលយករបស់ខ្លួនថា «ពួកយើងពិតជាអរគុណដល់អ្នកគាំទ្ររបស់យើង Stay ទូទាំងពិភពលោក។ យើងមានអារម្មណ៍ថាយើងអាចទទួលបានពានរង្វាន់ដ៏មានតម្លៃបែបនេះ ហើយបានសម្តែងនៅលើឆាកដ៏ធំបែបនេះទាំងអស់ ពីព្រោះ Stay គឺនៅក្បែរពួកយើង។ សូមអរគុណដល់អ្នកគាំទ្ររបស់យើង»។

ទន្ទឹមគ្នា Seventeen ក៏បានចែករំលែកសារដ៏ស្មោះស្ម័គ្រទៅកាន់អ្នកគាំទ្ររបស់ខ្លួន ដែលត្រូវបានគេស្គាល់ថា Carat នៅក្នុងសុន្ទរកថាដែលបានកត់ត្រាទុកជាមុន។ «នេះមិនអាចទៅរួចទេ បើគ្មានអ្នកគាំទ្រដ៏អស្ចារ្យរបស់យើង។ យើងបានព្យាយាមធ្វើឲ្យវាអាស្រ័យលើអ្នកជាមួយនឹងតន្ត្រីនិងការសម្តែងដ៏ល្អ ប៉ុន្តែអ្នកតែងតែរកវិធីធ្វើឲ្យយើងភ្ញាក់ផ្អើលជាមួយនឹងក្តីស្រឡាញ់កាន់តែច្រើន។ ដូច្នេះសូមអរគុណច្រើន»។

យ៉ាងណាមិញ កំពូលតារាពិភពលោក Taylor Swift បានគ្រប់គ្រង BBMAs ក្នុងឆ្នាំនេះ ដោយទទួលបានពានរង្វាន់ចំនួន១០ រួមទាំងពានរង្វាន់ Top Artist ដ៏មានកិត្យានុភាពផងដែរ។ ជាមួយនឹងការឈ្នះទាំងនេះ ឥឡូវនេះ តារាស្រី បានប្រមូលពានរង្វាន់ BBMAs ចំនួន៤៩ ដែលបានក្លាយជាសិល្បករដែលទទួលបានពានរង្វាន់ច្រើនជាងគេក្នុងប្រវត្តិសាស្ត្រនៃពិធីនេះ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ក្រុមអ្នកគាំទ្រ K-pop រើសបទដ៏មានន័យ ដើម្បីច្រៀងរួមគ្នាក្នុងថ្ងៃប្រមូលផ្តុំតវ៉ាលោក Yoon

Related Topics:តារាកូរ៉េ ប្រទេសកូរ៉េខាងត្បូង

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា