Miss World Cambodia បង្ហាញម្ចាស់មកុដ ៤រូប

កម្មវិធីប្រកួតសម្រស់ Miss World Cambodia ឆ្នាំ២០២៥ បានធ្វើការជ្រើសរើសម្ចាស់មកុដឆ្នាំនេះ តាមរយៈការសម្ភាសផ្ទាល់ជាមួយគណៈកម្មការ ដោយពុំមានរៀបចំការប្រកួតលើឆាកនោះឡើយ។ តួយ៉ាង ក្នុងចំណោមបេក្ខភាពបវរកញ្ញាចំនួន ៦ រូប លទ្ធផលផ្លូវការបង្ហាញ Top 4 ព្រមទាំងត្រៀមប្រកាសនូវម្ចាស់មកុដថ្មីតែម្តង។

ក្រោយពីកម្មវិធីបានប្រកាស Top 4 រួច មកដល់ថ្ងៃទី ៣១ ខែមីនា ឆ្នាំ ២០២៥ នេះ លើហ្វេសប៊ុកផេក Miss Word Cambodia ក៏បានប្រកាសរកឃើញម្ចាស់ជ័យលាភីគ្រងមកុដ Miss World Cambodia ប្រចាំឆ្នាំ ២០២៥ ជាផ្លូវការហើយ គឺបានទៅលើស្រីស្អាតកូនខ្មែរកាត់អង់គ្លេសកញ្ញា រ៉ូសស្យែល ហ្សូលីយ៉ា។

ចំពោះតំណែងជាម្ចាស់មកុដថ្មី Miss World Cambodia 2025 នេះ កញ្ញា រ៉ូសស្យែល ហ្សូលីយ៉ា កំពុងត្រូវបានមហាជនអ្នក គាំទ្រវិស័យបវរកញ្ញាជាច្រើនចែករំលែកបង្ហាញការគាំទ្រពេញចិត្តខ្លាំង ព្រោះនាងមានទាំងសមត្ថភាព និង ចំណេះដឹង ស័ក្តិសម តំណាងឱ្យកម្ពុជាឈរលើឆាកអន្តរជាតិ Miss World ខាងមុខ៕