ជីវិតកម្សាន្ដ

កញ្ញា វី ឌីណែត ៖ ម៉ាក់ថាឃ្លានក្ដាមយក្សឃ្លានបង្គងយក្ស ឃ្លានទាប៉េកាំងណាស់ កូនមិនទាន់ទិញជូនម៉ាក់ហូបផង បែរជាទិញយកមកសែនឲ្យម៉ាក់ទៅវិញ

បានផុស

៤ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

ភ្នំពេញ ៖ ឈានដល់ពេលគម្រប់ខួប៧ថ្ងៃនៃការស្លាប់របស់អ្នកម្តាយជាទីស្រលាញ់កញ្ញា វី ឌីណែត ក្រៅតែមិនអាចធ្វើបុណ្យ៧ថ្ងៃ ឲ្យម្តាយពេលនេះនាងក៏កំពុងបន្តធ្វើចត្តាឡីស័ក១៤ថ្ងៃ នៅសណ្ឋាគារសុខាដើម្បីតាមដានសុខភាពបន្ទាប់ពីជាសះស្បើយពីជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីជាមិនបានធ្វើបុណ្យ៧ថ្ងៃឲ្យអ្នកម្តាយដែលស្លាប់ដោយសារកូវីដ-១៩ តែនៅថ្ងៃនេះគេឃើញ វី ឌីណែតបានបង្ហោះទិដ្ឋភាពនៃការសែនបាយម្ហូបនិងផ្លែឈើឧទ្ទិសដល់អ្នកម្តាយផងដែរ។ ភ្ជាប់ជាមួយរូបនោះដែរ វី ឌីណែត បានទម្លាយនូវរឿងរ៉ាវដ៏សោកសៅផងដែរ។

កញ្ញា វី ឌីណែត បានរៀបរាប់ថា ប្រាំពីរថ្ងៃហើយ ដែលម៉ាក់ទៅចោលកូនៗនឹងស្វាមី។ ម៉ាក់ថាឃ្លានក្ដាមយក្សឃ្លានបង្គងយក្ស ឃ្លានទាប៉េកាំងណាស់ កូនមិនទាន់ទាំងបានទិញឲ្យម៉ាក់ហូបស្រួលបួលផង ឥឡូវបែរជាទិញយកមកសែនអោយម៉ាក់ទៅវិញ។

នាងបន្ថែមទៀតថា សូមអ្នកម៉ាក់ទៅឲ្យបានសុខណាបើមានជាតិក្រោយមែនសូមឲ្យពួកយើងក្លាយជាម្ដាយកូននឹងគ្នាទៀត។ សូមរម្លឹកថា ម្តាយរបស់កញ្ញា វី ឌីណែត គឺលោកស្រី ងឿន សុថានី ជនជាតិខ្មែរអាយុ៦២ឆ្នាំបានស្លាប់ដោយសារជំងឺកូវីដ-១៩ នៅវេលាម៉ោង១១និង៤៥នាទីព្រឹកថ្ងៃទី១៩ខែមីនាឆ្នាំ២០២១បន្ទាប់ពីចូលសម្រាកព្យាបាលបានប៉ុន្មានថ្ងៃ៕

ដោយ ៖ ចាន់រ៉ា