ជីវិតកម្សាន្ដ

វី ឌីណែត ៖ «បើលែងមានខ្ញុំ តើអ្នកទាំងអស់គ្នានឹកខ្ញុំទេ»?

បានផុស

៤ ខែ មុន

នៅ

ថ្ងៃអង្គារ ១៦ ឧសភា ២០២៣

ដោយ

មានការភ្ញាក់ផ្អើល និងចាប់អារម្មណ៍គ្រប់គ្នា សម្រាប់អ្នកគាំទ្រ ពិសេសអ្នកប្រើប្រាស់បណ្ដាញសង្គមហ្វេសប៊ុក ខណៈដែលតារាចម្រៀងវ័យក្មេង កញ្ញា វី ឌីណែត បានប្រកាសដោយសំនួរថា នៅលើលោកនេះ បើសិនលែងមាននាង តើអ្នកទាំងអស់គ្នានឹកទេ?។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់តារាចម្រៀង កញ្ញា វី ឌីណែត ពេលនេះ បានធ្វើឲ្យមហាជន និងអ្នកគាំទ្រមួយចំនួន កើតចម្ងល់ និងសួរនាំពីមូលហេតុគ្រប់គ្នាថា តើនាងមានបញ្ហាអ្វីទើបបាននិយាយដូច្នេះ?។ ចំណែកខ្លះទៀត ហាក់បង្ហាញការព្រួយបារម្ភ និងលើកទឹកចិត្តដល់តារាចម្រៀងស្រីរូបនេះផងដែរ។

ផ្អែកតាមខ្លឹមសាររបស់តារាចម្រៀងវ័យក្មេងដែលជាកូនបង្កើតលោកគ្រូ ហួរ ឡាវី គឺ កញ្ញា វី ឌីណែត បានលើកឡើងថា «បើនៅលើលោកនេះលែងមាន វី ឌីណែត តើអ្នកទាំងអស់គ្នានឹកខ្ញុំទេ?»។ ការបង្ហោះនេះបានធ្វើឲ្យអ្នកគាំទ្របង្ហាញក្តីបារម្ភ និងសួរនាំគ្រប់គ្នាចំពោះខ្លឹមសារដែលតារាស្រីរូបនេះបានបង្ហោះជាសាធារណៈ។

ជុំវិញរឿងរ៉ាវខាងលើនេះ កម្ពុជាថ្មី នៅព្រឹកថ្ងៃទី ១៦ ខែឧសភា ឆ្នាំ ២០២៣ នេះ មិនអាចសូមការបកស្រាយពីកញ្ញា វី ឌីណែត បានទេ។ ប៉ុន្តែបើចាប់អារម្មណ៍នៅលើបណ្ដាញសង្គមតារាស្រីរូបនេះ ក្រោយការបង្ហោះមួយសន្ទុះ ក៏បានលុបចោលខ្លឹមសារខាងលើនេះវិញផងដែរ៕

អត្ថបទ ៖ ចាន់រ៉ា