ព័ត៌មានអន្ដរជាតិ

អាមេរិកនិងកម្ពុជានឹងរួមគ្នាអភិវឌ្ឍវិស័យអាកាសចរណ៍ស៊ីវិលនៅកម្ពុជា

បានផុស

៧ ខែ មុន

នៅ

ថ្ងៃចន្ទ ២៧ តុលា ២០២៥

ដោយ

ខណៈពេលដែលវិស័យកាសចរណ៍កម្ពុជាកំពុងតែស្ថិតនៅលើផ្លូវទៅរកការរីកចម្រើននិងជំរុញការដឹកជញ្ជូនតាមផ្លូវអាកាសកាន់តែខ្លាំងនោះ ក្រុមហ៊ុនអាកាសចរណ៍កម្ពុជា Air Cambodia នឹងចាប់ដៃគូធ្វើការជាមួយក្រុមហ៊ុនផលិតយន្តហោះអាមេរិក Boeing ដើម្បីអភិវឌ្ឍវិស័យអាកាសចរណ៍កម្ពុជា។

ការផលិតយន្តហោះប្រភេទ Boeing 737 MAX នៅរោងចក្រ Renton រដ្ឋធានី Washington។ REUTERS

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងសេចក្តីប្រកាសរួមនៅថ្ងៃទី២៦ខែតុលា រវាងសហរដ្ឋអាមេរិកនិងព្រះរាជាណាចក្រកម្ពុជា ក្រុមហ៊ុនផលិតយន្តហោះរបស់សហរដ្ឋអាមេរិក Boeing នឹងជួយដល់ការអភិវឌ្ឍប្រព័ន្ធអេកូឡូស៊ីអាកាសចរណ៍របស់កម្ពុជា និងការរីកចម្រើនរបស់ក្រុមហ៊ុន Air Cambodia។

បើទោះបីជាសេចក្តីលម្អិតមិនត្រូវបានចែងក្នុងកិច្ចព្រមព្រៀងនោះ ក្រុមហ៊ុន Air Cambodia ធ្លាប់បានប្រកាសថា ខ្លួននឹងទិញយន្តហោះ Boeing 737 MAX ចំនួន១០គ្រឿង ដោយមានជម្រើសចំនួន១០គ្រឿងបន្ថែមទៀត ដែលជាផ្នែកនៃកិច្ចព្រមព្រៀងពាណិជ្ជកម្មបដិការជាមួយសហរដ្ឋអាមេរិក។

កិច្ចព្រមព្រៀងនេះត្រូវបានប្រកាសនៅពាក់កណ្តាលឆ្នាំ២០២៥ ក្នុងអំឡុងពេលនៃការចរចាពន្ធបដិការជាមួយសហរដ្ឋអាមេរិក។ ទោះបីជាបែបណា ការផ្គល់យន្តហោះដំបូងពីក្រុមហ៊ុន Boeing នឹងមិនអាចធ្វើឡើងបានទេរហូតដល់ឆ្នាំ២០៣១ ដោយសារតែការផលិតមិនទាន់។

កាលពីដើមខែកញ្ញា ឯកអគ្គរដ្ឋទូតចិនប្រចាំកម្ពុជា លោក Wang Wenbin បានបង្ហោះសារលើបណ្តាញសង្គមថា ក្រុមហ៊ុនអាកាសចរណ៍កម្ពុជា Air Cambodia បានចុះហត្ថលេខាលើអនុស្សារណយោគយល់គ្នាជាមួយក្រុមហ៊ុនផលិតយន្តហោះចិន COMAC ដើម្បីបញ្ជាទិញយន្តហោះប្រភេទ C909 ចំនួន២០គ្រឿង ដោយក្នុងនោះ១០គ្រឿងត្រូវបានបញ្ជាទិញ និង១០គ្រឿងទៀតស្ថិតក្នុងការបញ្ជាទិញនៅពេលអនាគត៕

រ៉ាន់ រើយ