ស្តេចថៃ អនុម័តរំលាយសភា ហើយត្រៀមរៀបចំការបោះឆ្នោតថ្មីក្នុងរយៈពេល៤៥ទៅ៦០ថ្ងៃ

នៅថ្ងៃសុក្រទី១២ខែធ្នូឆ្នាំ២០២៥ ស្តេចថៃ Maha Vajiralongkorn បានចេញព្រះរាជក្រឹត្យអនុម័តការរំលាយសភា ហើយត្រៀមរៀបចំការបោះឆ្នោតថ្មីក្នុងរយៈពេល៤៥ទៅ៦០ថ្ងៃ។

តាមការផ្សាយរបស់ Reuters, អ្នកនាំពាក្យរដ្ឋាភិបាលលោក Siripong Angkasakulkiat បានប្រាប់អ្នកសារព័ត៌មានថា ការរំលាយនេះគឺដោយសារមានការខ្វែងគំនិតគ្នាជាមួយគណបក្សប្រឆាំងធំបំផុតក្នុងរដ្ឋសភា គឺគណបក្សប្រជាជនថៃ។

ការរំលាយសភានេះកើតឡើងផងដែរ ក្រោយពេលនាយករដ្ឋមន្ត្រីថៃ អានុទីន ឆាន់វីរៈគុល បានប្រកាសថា លោកសូមប្រគល់អំណាចជូនទៅប្រជាជន។

កាលមុន អានុទីន និយាយថា លោកគ្រោងរំលាយសភានៅចុងខែមករាឆ្នាំ២០២៦ឯណោះទេ ហើយនឹ​ងរៀបចំការបោះឆ្នោតនៅខែមីនាឬដើមខែមេសា ប៉ុន្តែចំណាត់ការពេលនេះគឺលឿនហួសការរំពឹងទុក។

សូមជម្រាបថា អានុទីន គឺជានាយករដ្ឋមន្ត្រីថៃទី៣ ក្នុងរយៈពេលត្រឹមជាង២ឆ្នាំ ស្របពេលប្រទេសនេះ ត្រូវធ្លាក់ចូលក្នុងវិបត្តិនយោបាយយ៉ាងរញ៉េរញ៉ៃ។

លោកអានុទីន បានឡើងធ្វើជានាយករដ្ឋមន្ត្រីបន្ទាប់ពី ដកគណបក្ស ភូមិចៃថៃ ចេញពីសម្ព័ន្ធរដ្ឋាភិបាលដែលកំពុងកាន់អំណាច ហើយបានទទួលការគាំទ្រពី គណបក្សប្រជាជន៕

អត្ថបទ៖ សុខ សុវណ្ណ