លោក Rubio អះអាងថា អាមេរិកមិនគ្រប់គ្រង វ៉េណេស៊ុយអេឡាទេ តែនឹងបិទច្រកប្រេងទាំំងអស់

រដ្ឋមន្ត្រីការបរទេស Marco Rubio បាននិយាយកាលពីថ្ងៃទី ៤ខែមករាថា សហរដ្ឋអាមេរិកនឹងមិនជ្រៀតជ្រែកក្នុងការគ្រប់គ្រងប្រទេសវ៉េណេស៊ុយអេឡាទេ ប៉ុន្តែនឹងបន្តការបិទផ្លូវប្រេងដែលអនុវត្តចំពោះកប៉ាល់ដឹកប្រេង ដោយហាមឃាត់ ហើយនឹងប្រើប្រាស់វាជាកម្លាំងដើម្បីដាក់សម្ពាធលើការផ្លាស់ប្តូរគោលនយោបាយនៅក្នុងប្រទេសមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចុះផ្សាយដោយ AP រដ្ឋមន្ត្រីការបរទេសរូបនេះបាននិយាយនៅក្នុងកម្មវិធី «Face the Nation» របស់បណ្ដាញ CBS ដោយសំដៅទៅលើសេចក្តីថ្លែងការណ៍មុនរបស់លោកត្រាំធ្លាប់លើកឡើងថា សហរដ្ឋអាមេរិកនឹងគ្រប់គ្រងប្រទេសវ៉េណេស៊ុយអេឡា។

លោក Rubio បញ្ចាក់ថា «យើងនឹងបន្តរក្សាការបិទផ្លូវ ហើយរំពឹងថានឹងមានការផ្លាស់ប្តូរ មិនត្រឹមតែនៅក្នុងរបៀបដែលឧស្សាហកម្មប្រេងរបស់វ៉េណេស៊ុយអេឡា និងដំណើរការដើម្បីផលប្រយោជន៍របស់ប្រជាជនប៉ុណ្ណោះទេ ប៉ុន្តែថែមទាំងដើម្បីបញ្ចប់ការជួញដូរគ្រឿងញៀនផងដែរ។

ទោះជាយ៉ាងនេះក្ដី ក្រុមអ្នកសង្កេតការណ៍បានលើកឡើងថា រដ្ឋមន្ត្រីការបរទេស Rubio បានធ្វើសេចក្តីថ្លែងការណ៍នេះដើម្បីបំបាត់ការសង្ស័យអំពីលទ្ធភាពដែលអាមេរិកអាចផ្លាស់ប្តូររបប ឬរៀបចំការបោះឆ្នោតនៅក្នុងប្រទេសវ៉េណេស៊ុយអេឡា បន្ទាប់ពីចាប់ខ្លួនប្រធានាធិបតី Nicolas Maduro និងភរិយា កាលពីថ្ងៃទី៣ ខែមករា។

នៅក្នុងសន្និសីទសារព័ត៌មានបន្ទាប់ពីការវាយឆ្មក់នោះ លោកត្រាំមិនបានបញ្ជាក់ពេលវេលាជាក់លាក់ ឬយន្តការត្រួតពិនិត្យសម្រាប់សមត្ថភាពក្នុងការគ្រប់គ្រងវ៉េណេស៊ុយអេឡានោះទេ។ តែលោកបែរជាប្រកាសថា អាមេរិកនឹងដាក់ពង្រាយកងទ័ពដើម្បីការពារវាលប្រេងនៅក្នុងប្រទេសមួយនេះ ដែលនឹងបើកផ្លូវសម្រាប់ក្រុមហ៊ុនប្រេង និងឧស្ម័នរបស់សហរដ្ឋអាមេរិកក្នុងការវិនិយោគ ការស្តារហេដ្ឋារចនាសម្ព័ន្ធថាមពលនៅក្នុងប្រទេស។

សេចក្តីថ្លែងការណ៍របស់មេដឹកនាំអាមេរិកក្នុងការគ្រប់គ្រងវ៉េណេស៊ុយអេឡា បានធ្វើឲ្យអ្នកគាំំទ្រប្រជាធិបតេយ្យជាច្រើន និងក្រុមសាធារណរដ្ឋមួយចំនួនមានការព្រួយបារម្ភ រួមទាំងចលនា «អាមេរិកមុនគេ» ដែលប្រឆាំងនឹងអន្តរាគមន៍យោធានៅបរទេស។ អ្នកសង្កេតការណ៍ជាច្រើនដែលឃើញកិច្ចខិតខំប្រឹងប្រែងកសាងឡើងវិញដ៏ចម្រូងចម្រាសរបស់អាមេរិកនៅក្នុងប្រទេសអ៊ីរ៉ាក់ និងអាហ្វហ្គានីស្ថានក៏មានការសង្ស័យចំពោះការចូលរួមក្នុងប្រទេសវ៉េណេស៊ុយអេឡាផងដែរ។

ក្រោយមក លោក Rubio បានបដិសេធការរិះគន់នេះដោយថា ចេតនាលោកត្រាំត្រូវធ្វើឲ្យយល់ច្រឡំ គ្រប់ទីកន្លែងដែលឧបករណ៍គោលនយោបាយការបរទេសមើលទៅ វាមើលទៅដូចជាប្រទេសលីប៊ី អ៊ីរ៉ាក់ ឬអាហ្វហ្គានីស្ថាន។ នេះមិនមែនជាមជ្ឈិមបូព៌ាទេ។ បេសកកម្មរបស់យើងនៅទីនេះគឺខុសគ្នាខ្លាំងណាស់។ នេះគឺជាអឌ្ឍគោលខាងលិច។

លោកក៏បានស្នើផងដែរថា សហរដ្ឋអាមេរិកនឹងផ្តល់ពេលវេលាដល់អ្នកក្រោមបង្គាប់របស់លោកម៉ាឌូរ៉ូ ដើម្បីដំណើរការ ហើយទីក្រុងវ៉ាស៊ីនតោននឹងវាយតម្លៃអ្វីៗគ្រប់យ៉ាងដោយផ្អែកលើអ្វីដែលពួកគេធ្វើ។ យ៉ាងណាមិញ លោកមិនបានច្រានចោលលទ្ធភាពនៃការដាក់ពង្រាយកងកម្លាំងជើងគោករបស់អាមេរិកនៅក្នុងប្រទេសវ៉េណេស៊ុយអេឡា តែថា វត្តមានយោធាទីក្រុងវ៉ាស៊ីនតោននៅក្នុងតំបន់ត្រូវបានពង្រឹង និងមានសមត្ថភាពស្ទាក់ចាប់អ្នករត់ពន្ធគ្រឿងញៀន និងនាវាដឹកប្រេងដែលត្រូវហាមឃាត់៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ភរិយាលោក ម៉ាឌូរ៉ូ បង្ហាញខ្លួនលើកដំបូង ក្នុងទឹកមុខស្រងូតស្រងាត់ខ្លាំង