ព័ត៌មានអន្ដរជាតិ
មេ WHO ចេញមុខប្រកាសហើយថា ពិភពលោកអាចគ្រប់គ្រងកូវីដបានក្នុងរយៈពេលប៉ុន្មានខែខាងមុខ
ប្រមុខអង្គការសុខភាពពិភពលោក (WHO) បានប្រាប់សន្និសីទសារព័ត៌មានមួយកាលពីថ្ងៃចន្ទទី១៩ខែមេសាថា ពិភពលោកអាចគ្រប់គ្រងជំងឺរាតត្បាតជាសកល កូវីដ-១៩បាន ក្នុងរយៈពេលប៉ុន្មានខែខាងមុខនេះ ប្រសិនបើធនធានចាំបាច់គឺវ៉ាក់សាំង ត្រូវបានចែកចាយដោយយុត្តិធម៌។
ប្រធាន WHO លោក Tedros Adhanom Ghebreyesus បាននិយាយថា “យើងមានឧបករណ៍ដើម្បីនាំជំងឺរាតត្បាតនេះឲ្យមកស្ថិតក្រោមការគ្រប់គ្រងក្នុងរយៈពេលប៉ុន្មានខែខាងមុខ ប្រសិនបើយើងប្រើប្រាស់វាឲ្យបានជាប់លាប់និងប្រកបដោយសមធម៌”។
ទោះបីជាយ៉ាងណាក៏ដោយ លោកក៏បានសម្តែងការព្រួយបារម្ភផងដែរចំពោះ “អត្រាប្រកាសអាសន្ន” ដែលជំងឺកូវីដ-១៩ កំពុងរីករាលដាលនៅក្នុងចំណោមអ្នកមានអាយុពី ២៥ដល់៥៩ឆ្នាំ នៅទូទាំងពិភពលោក ដែលភាគច្រើនអាចបណ្តាលមកពីវីរុសបំប្លែងខ្លួនប្រភេទថ្មី។
លោកលើកឡើងថា “វាប្រើពេល៩ខែដើម្បីឈានដល់ការស្លាប់១លាននាក់, ៤ខែដើម្បីឈានដល់២លាននាក់និង ៣ខែដើម្បីឈានដល់៣លាននាក់”។
ស្របពេលជាមួយគ្នានោះ អ្នកជំនាញផ្នែករោគរាតត្បាតឈានមុខរបស់ WHO លោកស្រី Maria van Kerkhove បានប្រាប់សន្និសីទកាសែតដូចគ្នានេះថា ការកើនឡើងនៃអត្រាឆ្លងកូវីដ ទូទាំងពិភពលោក គឺបូករួមទាំងការកើនឡើងក្នុងចំណោមក្រុមអាយុដែលធ្លាប់តែរងផលប៉ះពាល់តិចពីជំងឺរាតត្បាតផងដែរ។
លោកស្រីនិយាយថា “យើងកំពុងមើលឃើញអត្រាកើនឡើងនៃការឆ្លងសម្រាប់គ្រប់ក្រុមអាយុទាំងអស់”។ លោកស្រីបន្ថែមទៀតថា មានករណីចំនួន ៥.២លានករណីត្រូវបានរាយការណ៍កាលពីសប្តាហ៍មុន ដែលនេះជាការកើនឡើងប្រចាំសប្តាហ៍ខ្ពស់បំផុត ចាប់តាំងពីរោគរាតត្បាតវាយប្រហារ។
គួរបញ្ជាក់ថា គិតត្រឹមម៉ោង១រសៀលថ្ងៃអង្គារទី២០ខែមេសានេះ ពិភពលោកបានកត់ត្រាការឆ្លងជំងឺកូវីដ-១៩សរុប ១៤២,៧២៧,៣៧៤ករណី, ស្លាប់ ៣,០៤៣,៧០៣នាក់និងជាសះស្បើយ ១២១,២៤០,៣០៨នាក់៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ មេ WHO ថា ពេលនេះជំងឺកូវីដ ១៩ កំពុងឈានដល់កម្រិតខ្ពស់បំផុត ក្រោយមានករណីឆ្លងឡើងជិតទ្វេដង
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល