Connect with us

ព័ត៌មានជាតិ

ទីផ្សារពងទាក្នុងស្រុក កំពុងចួបបញ្ហាតម្លៃធ្លាក់ចុះ ដោយសារការនាំចូលពីក្រៅប្រទេស

បានផុស

នៅ

អ្នកចិញ្ចឹមទាយកស៊ុតបានលើកឡើងថា តម្លៃពងទានៅលើទីផ្សារក្នុងស្រុកកំពុងប្រឈបបញ្ហាធ្លាក់​ចុះ ដោយសារការនាំចូលស៊ុតទាពីប្រទេសវៀតណាម ខណៈពួកគាត់ស្នើឱ្យរដ្ឋាភិបាល​ចេញ​​វិធានការទប់ស្កាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គឹង វ៉ាន់ឆៃ អាយុ ៣១ ឆ្នាំ អ្នកចិញ្ចឹមទាយកស៊ុត ស្ថិតនៅភូមឆ្វាង ឃុំប្រធាតុ ស្រុកកំពង់ត្របែក ខេត្តព្រៃវែង បានឱ្យដឹងថា តម្លៃពងទាបានធ្លាក់ចុះពី ៥០០ រៀលក្នុង១ គ្រាប់ មកនៅត្រឹម ៣៥០ រៀល ឬ ៣៨០ រៀល ក្នុង១ គ្រាប់ ដែលលោកប្រាប់ថា ជាតម្លៃទាប មិនអាចចំណេញនោះទេ បើទូទាត់ថ្លៃចំណាយទៅលើចំណី និងការដឹកជញ្ជូន។ លោកថា ការធ្លាក់តម្លៃនេះ ដោយសារការនាំចូលស៊ុតពីប្រទេស​វៀតណាមច្រើនលើសលប់។

អ្នកស្រី ម៉ោង ស្រីពៅ អគ្គនាយកាភូមិពងទា​ខ្មែរបានប្រាប់កម្ពុជាថ្មីនៅថ្ងៃទី ២៥ ខែមីនាថា តម្លៃពងទាលក់បោះដុំនៅតាមសហគមន៍បានធ្លាក់ចុះ ៣៨០ រៀល ក្នុង១គ្រាប់ អំឡុងខែកុម្ភៈ និងដើមខែ មីនា ប៉ុន្តែវាបានឡើងថ្លៃបន្តិចវិញចាប់ពីពាក់កណ្ដាលខែមីនា។

អ្នស្រីប្រាប់ថា ក្រុមហ៊ុនអ្នកស្រីបញ្ជាទិញពីប្រជាកសិករនៅតាមបណ្ដាខេត្តនានានៅក្នុងប្រទេសកម្ពុជា ក្នុងតម្លៃឡើងចុះតាមទីផ្សារ ហើយតម្លៃធ្លាក់ចុះនេះ ដោយសារការនាំចូលពងទាពីក្រៅប្រទេសច្រើន ហើយមានតម្លៃទាបជាងក្នុងស្រុក។

អ្នកស្រី ម៉ោង ស្រីពៅ៖ «ការធ្លាក់តម្លៃដោយសារពងទានាំចូលមកច្រើនពេក យើងអត់ដឹងថា ការនាំចូលរបស់គេយ៉ាងម៉េចទេ ព្រោះយើងគ្រាន់តែជាឈ្មួញដូចគ្នា តែគ្រាន់តែដឹងថា ពងនៅខាងគេថោកជាងខាងយើង»។

អ្នកស្រី ម៉ោង ស្រីពៅបន្តថា នៅសហគមន៍ពងទាក្នុងស្រុកលក់ ៣៨០ ក្នុង១គ្រាប់ ហើយពងទានាំចូលក់តែ ៣៥០ ក្នុង១ គ្រាប់ ក៏ខុសគ្នា ៣ កាក់ដែរ ដូច្នេះឈ្មួញកណ្ដាលប្រាកដជាយកតម្លៃ ៣៥០ រៀលហើយ។ ម្យ៉ាងទៀត ពងទានាំចូលក៏ធំជាងពងទាក្នុងស្រុកដែរ អញ្ចឹងលក់អត់ឈ្នះគេទេ។

បើតាមអ្នកស្រី ម៉ោង ស្រីពៅ សង្វាក់ផលិតកម្មចិញ្ចឹមរបស់កសិករមិនមានថមថយទេ ប៉ុន្តែគ្រាន់តែចួបបញ្ហា​តម្លៃទីផ្សារធ្លាក់ចុះប៉ុណ្ណោះ ក្នុងគ្រាដែលកសិករផលិតបានច្រើន។

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជាបានប្រាប់ថា តម្លៃពងទាបានធ្លាក់ចុះយ៉ាងខ្លាំងមួយរយៈ ដែលប៉ះពាល់ដល់ការខាតបង់របស់ប្រជាកសិករ លោកថា ការធ្លាក់តម្លៃដោយសារការនាំចូលពីប្រទេសវៀតណាមច្រើន និងការចិញ្ចឹមទាដេញតាមស្រែដែលធ្វើឱ្យពងទាតូច។

លោក ស្រ៊ុន ពៅ សំណូមពរឱ្យរដ្ឋាភិបាលជួយទប់ស្កាត់ កុំឱ្យនាំចូល​ស៊ុតទា​ច្រើន​លើសលប់ ដើម្បីជួយប្រជាកសិករក្នុងស្រុក។

យោងតាមតារាងតម្លៃទំនិញប្រចាំថ្ងៃរបស់ ធនាគារ ARDB នៅថ្ងៃទី ២៦ ខែមីនា ឆ្នាំ២០២៤នេះ បានឱ្យដឹងថា តម្លៃ​ពងទា មួយគ្រាប់ ៥០០ រៀល ពងមាន់ ១ គ្រាប់ ៥០០ រៀល៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៨ នាទី មុន

អាមេរិក អង់គ្លេស បើក​ការ​វាយ​ប្រហារ​ដែន​អាកាស​ ​ក្នុង​ប្រទេស​យេម៉ែន

កីឡា១៣ នាទី មុន

វឌ្ឍនៈ ប្រ៊ូវើរី បំផុសស្មារតីខ្មែរតែមួយ ដើម្បីបន្តគាំទ្រវិស័យកីឡានៅកម្ពុជា និងចូលរួមថែសម្អាតស្មៅនៅលើទីលានប្រកួត

សេដ្ឋកិច្ច២៧ នាទី មុន

​គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ​តម្លៃ ២៥០ លានដុល្លារ ​មានពន្លឺថ្មី​

វប្បធម៌ ជំនឿ៣៨ នាទី មុន

ក្នុងពេល ៥ ឆ្នាំ​ខាងមុខ តារានិករ ៦ ដួងនឹងរីកចម្រើនផ្នែកអាជីព​ លាភ​ចូលមកជួយ​ជ្រោមជ្រែង

ព័ត៌មានជាតិ៤០ នាទី មុន

ឧត្តមសេនីយ៍ឯក ហែម សុវត្ថិ ណែនាំកម្លាំងបន្តកំណត់មុខសញ្ញាលួចបើកល្បែងអនឡាញខុសច្បាប់ ដើម្បីចុះបង្ក្រាប

សេចក្ដីជូនដំណឹង១៤ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៩ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៩ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង១៦ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ២១ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

Sokha Hotels

ព័ត៌មានពេញនិយម