ព័ត៌មានអន្ដរជាតិ

ប្រមុខរដ្ឋចិននិងកាណាដាជួបគ្នាដ៏កម្រ ដែលអាមេរិកត្រូវតាមដានយ៉ាងដិតដល់

បានផុស

៥ ខែ មុន

នៅ

ថ្ងៃពុធ ១៤ មករា ២០២៦

ដោយ

នាយករដ្ឋមន្ត្រីកាណាដា លោក Mark Carney ចេញដំណើរទៅទស្សនកិច្ចនៅប្រទេសចិនផ្តើមនៅថ្ងៃអង្គារនេះ ដើម្បីពិភាក្សាអំពីពាណិជ្ជកម្ម និងសន្តិសុខអន្តរជាតិ ខណៈដែលប្រទេសកាណាដាប្រឈមមុខនឹងទំនាក់ទំនងមិនច្បាស់លាស់ជាមួយសហរដ្ឋអាមេរិកនៅក្បែរខាង ដោយសារសង្គ្រាមពាណិជ្ជកម្ម និងការគំរាមកំហែងនានា ពីប្រធានាធិបតីសហរដ្ឋអាមេរិក លោក ដូណាល់ ត្រាំ ។

លោក Carney និង លោក ត្រាំ។ រូបភាព Facebook លោកស្រី Mao Ning.

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាគឺជាដំណើរទស្សនកិច្ចលើកដំបូងទៅកាន់ទីក្រុងប៉េកាំង របស់នាយករដ្ឋមន្ត្រីកាណាដាចាប់តាំងពីឆ្នាំ២០១៧ មក ជាពិសេសអាចកត់សម្គាល់នូវការផ្លាស់ប្តូរដ៏សំខាន់នៅក្នុងទំនាក់ទំនងរវាងប្រទេសទាំងពីរ នៅពេលដែលកាណាដាស្វែងរកភាពជាដៃគូពាណិជ្ជកម្ម និងសន្តិសុខ។

លោក Carney បានយល់ព្រមទៅបំពេញទស្សនកិច្ចនៅប្រទេសចិន កាលពីខែតុលាឆ្នាំមុន នៅមុនពេលលោកនិងប្រធានាធិបតីចិន លោក ស៊ី ជីនពីង បានជួបគ្នានៅប្រទេសកូរ៉េខាងត្បូង។

យោងតាមរ៉យទ័រ វាជាការជួបគ្នាដែលមិនបានគ្រោងទុករបស់ប្រមុខដឹកនាំនៃប្រទេសទាំងពីរ ប៉ុន្តែអ្នកទាំងពីរបានបង្ហាញពីសក្តានុពលសម្រាប់ទំនាក់ទំនងកាន់តែស៊ីជម្រៅ បន្ទាប់ពីទំនាក់ទំនងដ៏ប្រេះស្រាំ ក្រោមការដឹកនាំរបស់អតីតនាយករដ្ឋមន្ត្រី លោក Justin Trudeau ដែលជូរចត់ បន្ទាប់ពីប្រទេសកាណាដាបានចាប់ខ្លួនប្រធានផ្នែកហិរញ្ញវត្ថុរបស់ក្រុមហ៊ុនទូរគមនាគមន៍ចិន Huawei ក្នុងឆ្នាំ២០១៨។

ទោះបីយ៉ាងណា ការជួបគ្នាលើកនេះ អ្នកជំនាញរំពឹងថា កិច្ចព្រមព្រៀងមួយចំនួន ឬយ៉ាងហោចណាស់ការសន្យានៃកិច្ចព្រមព្រៀងនាពេលអនាគត នឹងត្រូវសម្រេចបាន។ មន្ត្រីជាន់ខ្ពស់កាណាដា បាននិយាយថា លោក Carney នឹងចុះហត្ថលេខាលើអនុស្សរណៈមួយចំនួន ដែលកំពុងស្ថិតក្រោមការពិភាក្សា។

លោក Greg MacEachern អតីតទីប្រឹក្សាជាន់ខ្ពស់រដ្ឋមន្ត្រីសេរីនិយមបានរំពឹងថា ការធ្វើដំណើរនេះនឹងផ្តល់លទ្ធផលលើសពីអ្វីដែលគ្រាន់តែជានិមិត្តរូបនោះ។

លោកបានលើកឡើងថា៖«នៅពេលដែលនាយករដ្ឋមន្ត្រីកាណាដាត្រូវបានអញ្ជើញទៅប្រទេសចិន វាមិនមែនគ្រាន់តែជាការធ្វើដំណើរធម្មតានោះទេ»។ លោកបាននិយាយថា ការធ្វើដំណើរនេះនឹងត្រូវបានត្រួតពិនិត្យតាមដានដោយដិតដល់ពីទីក្រុងវ៉ាស៊ីនតោន។

លោកថា៖«វានឹងមានហានិភ័យផ្នែកនយោបាយ ដែលអាចធ្វើឱ្យ លោក ត្រាំ ខកចិត្ត ប៉ុន្តែនាយករដ្ឋមន្រ្តី លោក Carney ច្បាស់ជាចង់ផ្ញើសារថា ប្រទេសកាណាដាបើកចំហសម្រាប់អាជីវកម្មពិភពលោក។ ហើយរដ្ឋាភិបាលកាណាដាបានធ្វើការគណនាថាកន្លែងណា ពិតជាមានមានតម្លៃពិតប្រាកដសម្រាប់ខ្លួន»៕

ប្រែសម្រួល៖ ណឺ មិនា

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា