ព័ត៌មានអន្ដរជាតិ

ហ្សេលេនស្គី៖ ទទូចទៅពិភពលោក សូមកុំបិទភ្នែកពីការឈ្លានពានរុស្ស៊ី លើអធិបតេយ្យភាពអ៊ុយក្រែន

បានផុស

៤ ខែ មុន

នៅ

ថ្ងៃចន្ទ ៩ កុម្ភៈ ២០២៦

ដោយ

ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី (Volodymyr Zelensky) ជំរុញពិភពលោកកុំធ្វើបិទភ្នែក ចំពោះការវាយប្រហាររយៈចម្ងាយឆ្ងាយ ដោយគ្រាប់បែកជាង ៣ ៣០០ គ្រាប់ របស់រុស្ស៊ីពីទីក្រុងមូស្គូ ចូលក្នុងដែនដីអ៊ុយក្រែន បន្ទាប់ពីបំផ្លាញហេដ្ឋារចនាសម្ព័ន្ធសំខាន់ៗ ជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម ABC News បង្ហោះកាលពីថ្ងៃទី៨ ខែកុម្ភៈ លោក ហ្សេលេនស្គី បានលើកឡើងកាលពីថ្ងៃអាទិត្យថា សប្តាហ៍មុននេះ រុស្ស៊ីបានបាញ់បង្ហោះយន្តហោះគ្មានមនុស្សបើក(Drone) វាយប្រហារច្រើនជាង ២ ០០០ គ្រឿង គ្រាប់បែកតាមផ្លូវអាកាសចំនួន ១ ២០០គ្រាប់ និងមីស៊ីលចំនួន ១១៦ ចូលក្នុងអធិបតេយ្យភាពអ៊ុយក្រែន។

ជាងនេះលោកបានបង្ហោះក្នុងប្រព័ន្ធផ្សព្វផ្សាយសង្គមថា៖ « ស្ទើរតែរាល់ថ្ងៃ ពួកគេ(រុស្ស៊ី) វាយប្រហារទៅលើកន្លែងថាមពល ហេដ្ឋារចនាសម្ព័ន្ធដឹកជញ្ជូន និងអគារលំនៅដ្ឋានពលរដ្ឋ»។

មិនខុសគ្នាប៉ុន្មាន កងទ័ពអាកាសអ៊ុយក្រែនបាននិយាយថា រុស្ស៊ីបានបាញ់បង្ហោះយន្តហោះគ្មានមនុស្សបើកចំនួន ១០១ គ្រឿងចូលទៅក្នុងប្រទេសខ្លួន កាលពីយប់ថ្ងៃសៅរ៍ ដល់ព្រឹកថ្ងៃអាទិត្យ។ ក្នុងនោះ ៦៩ គ្រឿង ត្រូវបានបាញ់ទម្លាក់ ឬបង្ក្រាប។ ចំណែកយន្តហោះគ្មានមនុស្សបើកចំនួន ៣២ គ្រឿង បានទម្លាក់ និងប៉ះពាល់ដល់ទីតាំងចំនួន ១៣ កន្លែង។

គួរឱ្យដឹងថា រុស្ស៊ីបានធ្វើការវាយលុក ផ្តាច់បណ្តាញអគ្គិសនីរបស់អ៊ុយក្រែនក្នុងរដូវរងា។ ការវាយប្រហារកាលពីយប់ថ្ងៃសៅរ៍ បានកើតឡើងនៅពេលដែលអ៊ុយក្រែននៅតែកំពុងតតាំងឡើងវិញ ពីការវាយប្រហារដោយយន្តហោះគ្មានមនុស្សបើក(Drone) និងមីស៊ីលដ៏ធំនៅយប់ថ្ងៃសុក្រ បណ្តាលឱ្យដាច់ចរន្តអគ្គិសនីយ៉ាងធ្ងន់ធ្ងរ ក្នុងតំបន់ជាច្រើននៃប្រទេស។

លោក ហ្សេលេនស្គី បាននិយាយនៅព្រឹកថ្ងៃអាទិត្យថា៖ « ពិភពលោកមិនត្រូវមើលរំលងទង្វើ របស់រុស្ស៊ីវាយប្រហារអ៊ុយក្រែនទេ។ នៅពេលដែលគ្មានការឆ្លើយតបជាសកល ការវាយប្រហារកាន់តែញឹកញាប់ និងកាន់តែសាហាវ។ ទង្វើនេះគួរតែត្រូវបញ្ឈប់ តាមរយៈការគាំទ្រពិតប្រាកដសម្រាប់អ៊ុយក្រែន និងការការពាររបស់ដែនដីរបស់យើង»។

ប្រធានាធិបតីអ៊ុយក្រែនរូបនេះបន្ថែមថា៖ « យើងត្រូវការមីស៊ីល ដែលអាចការពារដែនអាកាស និងសព្វាវុធសម្រាប់កងកម្លាំងរបស់យើង ក្នុងការទប់ទល់លើការឈ្លានពានពីសត្រូវជារៀងរាល់ថ្ងៃ។ ហើយសម្រាប់ការងារការទូត គឺត្រូវតែដាក់សម្ពាធលើរុស្ស៊ី ជារឿងចាំបាច់»៕

ប្រែសម្រួល៖ ណឺ មិនា

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា