ព័ត៌មានអន្ដរជាតិ
លោក Biden និយាយថា គ្មានអ្វីអាចបញ្ឈប់ការផ្ទេរអំណាចនោះទេ ទោះ Trump កំពុងប្ដឹងផ្ដល់ក៏ដោយ
ប្រធានាធិបតីជាប់ឆ្នោតលោក Joe Biden បាននិយាយកាលពីថ្ងៃអង្គារថា គ្មានអ្វីអាចបញ្ឈប់ការផ្ទេរអំណាចនៅក្នុងរដ្ឋាភិបាលសហរដ្ឋអាមេរិកបានឡើយ ខណៈដែលប្រធានាធិបតី Donald Trump បានបន្តដាក់ពាក្យបណ្ដឹងនៅក្នុងរដ្ឋជាច្រើនក្នុងគោលបំណងដើម្បីបន្តកាន់តំណែង ។
យុទ្ធនាការរបស់លោក Trump បាននិយាយថា ខ្លួននឹងដាក់ពាក្យបណ្តឹងដើម្បីបញ្ឈប់រដ្ឋ Michigan ពីការបញ្ជាក់ជាផ្លូវការដល់លោក Biden ថាជាអ្នកឈ្នះនៅទីនោះរហូតដល់រដ្ឋអាចផ្ទៀងផ្ទាត់ថាសន្លឹកឆ្នោតត្រូវបានគេបោះត្រឹមត្រូវតាមច្បាប់ ហើយវាជាការប្តឹងចុងក្រោយនៅក្នុងបណ្តារដ្ឋសំខាន់ៗដើម្បីព្យាយាមគាំទ្រដល់ការអះអាងរបស់លោក Trump ថាការបោះឆ្នោតនោះមានការក្លែងបន្លំ ។
ទន្ទឹមនោះអ្នកជំនាញផ្នែកច្បាប់បាននិយាយថា ការប្តឹងរបស់លោក Trump មានឱកាសតិចតួចណាស់ក្នុងការផ្លាស់ប្តូរលទ្ធផល ហើយមន្ត្រីរដ្ឋបាននិយាយថាមិនមានភាពមិនប្រក្រតីណាមួយគួរឲ្យកត់សម្គាល់នៅក្នុងការបោះឆ្នោតថ្ងៃទី ៣ ខែវិច្ឆិកា នោះទេ ។

លោក Biden បានថ្លែងនៅក្នុងសុន្ទរកថាមួយនៅទីក្រុង Delaware ថា ក្រុមរបស់លោកកំពុងបន្តដំណើរការទៅមុខជាមួយនឹងការបង្កើតរដ្ឋបាលថ្មីមួយនៅពិធីប្រគល់តំណែងថ្ងៃទី ២០ ខែមករា ឆ្នាំ ២០២១ មិនថាមានបញ្ហាអ្វីក៏ដោយ ។
លោកបាននិយាយថា “យើងនឹងបន្តដំណើរទៅមុខក្នុងលក្ខណៈជាក់លាក់មួយ ដាក់រដ្ឋបាលរបស់យើងធ្វើការរួមគ្នាក្នុងសេតវិមាន និងពិនិត្យមើលថាតើយើងនឹងជ្រើសរើសយកមុខតំណែងគណៈរដ្ឋមន្រ្តីដែរឬក៏យ៉ាងណា ហើយគ្មានអ្វីនឹងបញ្ឈប់រឿងនោះទេ” ។ លោក Biden បាននិយាយថា វាជាការអាម៉ាស់មួយដែលលោក Trump មិនព្រមទទួលស្គាល់បរាជ័យការបោះឆ្នោតនេះ ។
ដោយយកសំណួរពីប្រព័ន្ធផ្សព្វផ្សាយជាលើកដំបូងចាប់តាំងពីជ័យជម្នះរបស់គាត់ លោក Biden ត្រូវបានគេសួរថាតើគាត់នឹងនិយាយអ្វីប្រសិនបើលោក Trump កំពុងមើល ។ គាត់បាននិយាយថា “លោកប្រធានាធិបតីខ្ញុំរង់ចាំនិយាយជាមួយអ្នក” ៕

ប្រែសម្រួលដោយ ៖ ជីវ័ន្ត
ប្រភព ៖ REUTERS

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?