អង់គ្លេស ព្រួយបារម្ភថា សង្គ្រាម​អ៊ីរ៉ង់​បង្វែរ​ការ​ផ្តោត​ពីជម្លោះនៅ ហ្គាហ្សា

រដ្ឋមន្ត្រីការបរទេសអង់គ្លេស លោកស្រី Yvette Cooper បាន​លើក​ឡើង​នៅ​ថ្ងៃទី២៤មីនា ថា លោកស្រីមានការព្រួយបារម្ភយ៉ាងខ្លាំងចំពោះជម្លោះនៅមជ្ឈិមបូព៌ា ដោយបានផ្លាស់ប្តូរការផ្តោតអារម្មណ៍ចេញពីផែនការសន្តិភាព​នៅតំបន់​ហ្គាហ្សា និងអំពើហិង្សានៅតំបន់ West Bank។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម timesofisrael លោកស្រី Cooper បានប្រាប់គណៈកម្មាធិការសភាថា «ខ្ញុំមានការព្រួយបារម្ភជាពិសេសនៅពេលនេះអំពីអ្វីដែលកំពុងកើតឡើងនៅក្នុងតំបន់ West Bank។ ខ្ញុំក៏មានការព្រួយបារម្ភយ៉ាងខ្លាំងអំពីដំណើរការផែនការ ២០ចំណុចរបស់តំបន់ហ្គាហ្សា ដែលនៅតែបន្តដំណើរការដោយសារតែជម្លោះកាន់តែទូលំទូលាយនៅមជ្ឈិមបូព៌ា»។

លោកស្រី​រដ្ឋមន្ត្រី បន្ថែមថា ក្នុងកាលៈទេសៈផ្សេងទៀត (សន្តិភាពហ្គាហ្សា អំពើហិង្សានៅតំបន់ West Bank) នឹងក្លាយជាការផ្តោតអារម្មណ៍ដ៏ធំមួយសម្រាប់យើងទាំងអស់គ្នានៅទូទាំងពិភពលោក។ ប៉ុន្តែក្នុងកាលៈទេសៈបច្ចុប្បន្ន មានរឿងជាច្រើនកំពុងកើតឡើងព្រមគ្នា ដែលមានគ្រោះថ្នាក់នៃបញ្ហាទាំងនោះមិនត្រូវបានផ្តោតលើវាគ្រប់គ្រាន់។

រដ្ឋមន្ត្រីការបរទេសអង់គ្លេស បានបញ្ចាក់បន្ថែមថា៖«ជាក់ស្ដែង យើងនឹងត្រូវកសាងរូបភាពសន្តិសុខ និងស្ថិរភាពក្នុងតំបន់កាន់តែទូលំទូលាយ ដែលត្រូវតែរួមបញ្ចូលអ៊ីស្រាអែល ប៉ាឡេស្ទីន និងលីបង់ ក៏ដូចជាវិធីសាស្រ្តកាន់តែទូលំទូលាយ៕

អត្ថបទ៖ សាង ស្រីល័ក្ខ