ព័ត៌មានអន្ដរជាតិ
កង្វះអ៊ុកស៊ីសែន វេជ្ជបណ្ឌិតឥណ្ឌាស្លាប់នៅមន្ទីរពេទ្យដែលលោកធ្វើការ៥០ឆ្នាំដោយកូវីដ-១៩
នៅពេលប្រទេសឥណ្ឌានៅតែបន្តទទួលរកការរាតត្បាតដ៏ធ្ងន់ធ្ងរបំផុតពីកូវីដ-១៩ ប្រព័ន្ធសុខាភិបាលបានកំពុងលិចលង់ដោយអ្នកជំងឺកូវីដ-១៩។
មន្ទីរពេទ្យទូទាំងប្រទេសបានកំពុងខ្វះខាតសម្ភារៈពេទ្យដូចជាគ្រែសម្រាកព្យបាល អ៊ុកស៊ីសែន និងឧបករណ៍ជំនួយជីវិតជាដើម។
ចំនួនអ្នកស្លាប់បានកំពុងកើនឡើងខ្ពស់ជារៀងរាល់ថ្ងៃដែលបញ្ហាចម្បងមួយគឺខ្វះអ៊ុកស៊ីសែនដែលធ្វើឲ្យអ្នកជំងឺទទួលរងធ្ងន់ធ្ងរលឿន និងឈានដល់បាត់បង់ជីវិត។ នៅលើបណ្តាញទំនាក់ទំនងសង្គមពោរពេញសារស្វែងរកគ្រែ និងអ៊ុកស៊ីសែន។
ចំពេលភាពវឹកវរបែបនេះ ករណីស្លាប់វេជ្ជបណ្ឌិតម្នាក់នៅរដ្ឋ Uttar Pradesh ដោយសារកង្វះអ៊ុកស៊ីសែន។
លោកវេជ្ជបណ្ឌិត JK Mishra អាយុ៨៥ឆ្នាំជាវេជ្ជបណ្ឌិតជាន់ខ្ពស់ម្នាក់នៅមន្ទីរពេទ្យ Swarup Rani Nehru ក្នុងរដ្ឋ Prayagraj បានបាត់បង់ជីវិត បន្ទាប់ពីមិនអាចស្វែងរកអ៊ុកស៊ីសែនដាក់ជំនួយដង្ហើមដើម្បីព្យាបាលលោកនៅមន្ទីរពេទ្យដែលលោកបម្រើការអស់រយៈពេល៥០ឆ្នាំ។
តាមការផ្សាយរបស់ India Today ថា លោកវេជ្ជបណ្ឌិតជើងចាស់ Mishra បានកើតរោគសញ្ញាកូវីដ-១៩កាលពីថ្ងៃទី១៣ ខែមេសា។ បន្ទាប់ពីឆ្លងជំងឺនេះមក លោកបានចូលមន្ទីរពេទ្យ SRN ដែលជាកន្លែងលោកធ្វើការស្ទើរមួយជីវិតដើម្បីព្យាបាល។
អាការជំងឺរបស់លោកបានធ្ងន់ធ្ងរភ្លាម បន្ទាប់ពីបានចូលមន្ទីរពេទ្យ ហើយក្រុមវេជ្ជបណ្ឌិតបានណែនាំឲ្យដាក់អ៊ុកស៊ីសែន។ ប៉ុន្តែមិនមានអ៊ុកស៊ីសែននៅក្នុងមន្ទីរពេទ្យ សូម្បីតែកន្លែងផ្សេងក៏រកអត់បាន។ លោកវេជ្ជបណ្ឌិត Mishra បានដកដង្ហើមចុងក្រោយនៅចំពោះមុខភរិយារបស់គាត់។
ប្រាប់អ្នកសារព័ត៌មាន លោក Suryabhan Kushwaha មន្ត្រីពេទ្យផ្នែកសង្គ្រោះបន្ទាន់នៅមន្ទីរពេទ្យ SRN បាននិយាយថា មន្ទីរពេទ្យមានគ្រែដែលមានបំពងអ៊ុកស៊ីសែនតែ១០០ប៉ុណ្ណោះ ហើយដាក់អ្នកជំងឺទាំងអស់។ មន្ទីរពេទ្យគ្មានសិទ្ធិទៅដកអ៊ុកស៊ីសែនពីអ្នកជំងឺណាម្នាក់ដើម្បីដាក់ឲ្យលោកវេជ្ជបណ្ឌិតដែលកំពុងធ្ងន់ធ្ងរទេ៕
ប្រែសម្រួល៖ វីរបុត្រ
ប្រភព៖ indiatimes
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១៦ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១៩ ម៉ោង ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា