Connect with us

ព័ត៌មានអន្ដរជាតិ

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

បានផុស

នៅ

ស្រ្តីដែលមានផ្ទៃពោះហើយខំប្រឹងធ្វើ​ការងារ​​ក្រោម​​កម្តៅ​ថ្ងៃ​ក្តៅ​ខ្លាំង អាច​ប្រឈម​នឹង​ហានិភ័យ​ទ្វេ​ដង​នៃ​​កូន​ស្លាប់​ក្នុង​ពោះ​ និង​ការ​រលូត​​កូន​ផង​ដែរ ។ នេះបើ​យោង​ទៅ​តាម​ការ​ស្រាវជ្រាវ​ថ្មី​មួយ​ពី​ប្រទេស​ឥណ្ឌា​ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ការ​ចុះ​ផ្សាយ​​របស់​សារព័ត៌មាន​អង់គ្លេស BBC ​បាន​ឲ្យ​ដឹង​ថា ការ​សិក្សា​នោះ​បាន​រក​ឃើញ​លើហានិភ័យ​សម្រាប់​​ស្រ្តី​​ដែល​នឹង​ក្លាយ​ជា​ម្តា​យ​គេ​ គឺ​មាន​លក្ខណៈ​​ខ្ពស់​គួរ​កត់​សម្គាល់​ជាង​​​​​ទស្សនៈ​មុន​ៗ​ទៅ​ទៀត ​។

ក្រុម​អ្នក​ស្រាវជ្រាវ​​ចម្រុះ​ជា​តិ​សាសន៍​ពី​វិទ្យាស្ថាន​ស្រាវជ្រាវ​ Sri Ramachandra នៅ​ប្រទេស​ឥណ្ឌាបាន​អះ​អាង​ថា កម្តៅ​ដ៏​ក្តៅ​​នៃ​រដូវ​ប្រាំង​ អាច​​បង្ក​​​ផល​ប៉ះ​ពាល់​មិន​ត្រឹម​តែ​ស្រ្តី​ដែល​រស់​នៅ​ក្នុង​តំបន់​អាកាស​ធាតុ​ត្រូពិច​ប៉ុណ្ណោះ​ទេ សូម្បី​អ្នក​នៅ​អឺរ៉ុប​ក៏​ប្រឈម​នឹង​ហានិភ័យ​នេះ​ដែរ ប្រសិន​បើ​ត្រូវ​កម្តៅ​ខ្លាំង​ ។

ក្នុង​ការ​សិក្សា​ស្រាវជ្រាវ​​នេះ ​គេ​បាន​សិក្សា​តាម​ដាន​លើ​​ស្រ្តី​ប្រមាណ​ ៨០០ ​នាក់រស់​នៅ​រដ្ឋ​ Tamil Nadu ​ភាគ​ខាង​ត្បូង​​ប្រទេស​ឥណ្ឌា ដែល​​ការ​សិក្សា​នេះ​ចាប់​ផ្តើម​តាំង​ពី​ឆ្នាំ ​២០១៧ ​មក​ម្ល៉េះ​ ។ ស្រ្តី​ប្រហែល​​​ពាក់​កណ្តាល​នៃ​ចំនួន​ខាង​លើ​នេះ គឺ​​​​ប្រកប​ការងារ​​ចិញ្ចឹម​ជីវិត​ប្រចាំ​ថ្ងៃ​ ដែល​​ស្ថិត​នៅ​ក្រោម​កម្តៅ​ថ្ងៃ​ខ្លាំង ដូច​ជា​​ការងារ​កសិកម្ម ការងារ​នៅ​ឡ​ដុត​ឥដ្ឋ ក៏​ដូច​ជា​​​នៅ​ទី​តាំង​ស្រែ​ផលិត​​អំបិល ។

លោក​ស្រី​សាស្រ្តាចារ្យ​អង់គ្លេស Jane Hirst ​មក​ពី​សាកលវិទ្យាល័យ​ OXFORD ​ជា​អ្នក​ចូល​រួម​កិច្ច​ការ​ស្រាវជ្រាវ​នោះ បាន​​លើក​ឡើង​ពី​​ស្រ្តី​ម្នាក់​ជា​ឧទាហរណ៍ថា នាងSumathy ​ជា​កម្មការនី​ធ្វើ​ការ​នៅ​ចំការ​អំពៅ​​ក្នុង​ទី​ក្រុង​Tiruvannamalai ដែល​ធ្វើ​ការ​ច្រើន​ម៉ោង​​​ ហើយ​ត្រូវ​​នឹង​កម្តៅ​​ព្រះ​អាទិត្យ​ខ្លាំង បើ​ទោះ​បី​​នាង​​មាន​សោម​ដៃ​ការពារ ក៏​ដូច​ជា​សំលៀក​បំពាក់​ក្រាស់ក៏ដោយ ជា​លទ្ធផល​ កូន​របស់​នាង​​​​​បាន​ស្លាប់​ក្នុង​ផ្ទៃ​ ពោល​គឺ​រលូត​​កូន ​១២ ​សប្តាហ៍​ ហើយនេះជា​សំណាក​​មួយ​ក្នុង​ចំណោម​ស្រ្តី​ទាំង​ ៨០០ ​នាក់ដែល​​ក្រុម​​ស្រាវជ្រាវ​បាន​សិក្សា​ ។

យ៉ាង​ណា​គេ​មិន​ទាន់​អាច​សន្និដ្ឋាន​បាន​ជា​ក់​លាក់​​ថា រលក​កម្តៅ​ក្តៅ​រយៈ​ពេល​ប៉ុណ្ណា ឬ​ក្តៅ​កម្រិត​ណាដែល​បង្ក​ហានិភ័យ​​​ដូច​ខាង​លើ​នេះនោះទេ ប៉ុន្តែ​ក្រុម​អ្នក​ស្រាវ​ជ្រាវ​​កម្រិត​អន្តរជាតិ​នោះ ក៏​បាន​​ផ្ញើ​សារ​​មតិ​អំពាវ​នាវ​ឲ្យ​ស្រ្តី​ទាំង​អស់ គួរ​បង្ការ និង​ចៀស​ពី​ការ​ត្រូវ​កម្តៅ​ថ្ងៃ​ខ្លាំង​រយៈ​ពេល​យូរ​ តាម​​ដែល​អាច​ធ្វើ​បាន ដើម្បី​បង្ការ​ពី​ហានិភ័យ​ដែល​អាច​កើត​មាន​នោះ​ ៕ ​​​​​

ដោយ​៖ មាន រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ១០ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១២ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១៣ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១៣ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម