ព័ត៌មានអន្ដរជាតិ

អាមេរិកនិងអ៊ុយក្រែនបង្កើនទុនរួមគ្នា ផលិតដ្រូនទំនើបដែលមានតម្រូវការខ្ពស់

បានផុស

៤ សប្តាហ៍ មុន

នៅ

ថ្ងៃពុធ ១៣ ឧសភា ២០២៦

ដោយ

សហរដ្ឋអាមេរិកនិងអ៊ុយក្រែនបានរៀបចំសេចក្តីព្រាងអនុស្សរណៈការពារជាតិដ៏សំខាន់មួយអនុញ្ញាតឱ្យប្រទេសទាំងពីរផលិតដ្រូនរួមគ្នា ជាពិសេសទីក្រុងកៀវអាចនាំចេញបច្ចេកវិទ្យាសង្គ្រាមអេឡិចត្រូនិកទៅកាន់សហរដ្ឋអាមេរិក។

យោងតាមសេចក្តីរាយការណ៍របស់សារព័ត៌មាន CBS កាលពីថ្ងៃទី១២ ខែឧសភា ឆ្នាំ២០២៦ កិច្ចព្រមព្រៀងនោះមានគោលបំណងបន្ថយគម្លាតផលិតកម្មរវាងការផលិតរបស់លោកខាងលិច និងតម្រូវខ្ពស់នៃដ្រូនទំនើប។

តាមរយៈការបញ្ចូលដើមទុនរួមគ្នា អាមេរិកជាមួយនឹងអ៊ុយក្រែនមានគោលបំណងពង្រីកការផលិតប្រព័ន្ធផ្លូវអាកាសមានតម្លៃទាបនិងគ្រឿងបរិក្ខាររុករកបានឆ្ងាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈទីក្រុងកៀវរំពឹងថានឹងមានសមត្ថភាពបង្កើនខ្ទង់ចំណាយលើវិស័យការពារជាតិសរុបចំនួន ៥៥ប៊ីលានដុល្លារសម្រាប់ឆ្នាំខាងមុខ។

តាមរយៈការសហការជាមួយសហរដ្ឋអាមេរិក អ៊ុយក្រែនស្វែងរកដើមទុនចាំបាច់ ដើម្បីពង្រីកប្រតិបត្តិការរបស់ខ្លួន រួមទាំងគោលដៅប្រកបដោយមហិច្ឆតាក្នុងការផលិតដ្រូនដែលមានតម្លៃទាប ជាងបីលានគ្រឿងក្នុងឆ្នាំ២០២៦ ។

ដោយឡែកសហរដ្ឋអាមេរិក ថាកិច្ចព្រមព្រៀងនេះផ្តល់នូវដំណោះស្រាយភ្លាមៗ ចំពោះដែនកំណត់ផលិតកម្មរបស់ខ្លួន ដោយសារក្រុមហ៊ុនផលិតអាមេរិកបានផលិតត្រឹមតែមួយភាគតូចប៉ុណ្ណោះកាលពីឆ្នាំ២០២៥ ។

មិនតែប៉ុណ្ណោះ ប្រធានាធិបតីអ៊ុយក្រែន លោក ហ្សេលេនស្គី លើកឡើងដើមសប្តាហ៍នេះថា៖ « បន្ថែមពីលើមជ្ឈិមបូព៌ា និងឈូងសមុទ្រ Caucasus ខាងត្បូង និងអឺរ៉ុប យើងនឹងចាប់ផ្តើមកិច្ចសហប្រតិបត្តិការសន្តិសុខថ្មីនាពេលឆាប់ៗនេះ ក្នុងក្របខ័ណ្ឌនៃកិច្ចព្រមព្រៀងដ្រូនជាមួយពិភពលោកផងដែរ»៕

សម្រួល៖ ណឺ មិនា