ព័ត៌មានអន្ដរជាតិ

នាវាផ្ទុកយន្តហោះអាមេរិក USS Nimitz នឹងទៅដល់តំបន់ការ៉ាប៊ីន ជិតគុយបា នៅសប្តាហ៍នេះ

បានផុស

១ ខែ មុន

នៅ

ថ្ងៃព្រហស្បតិ៍ ២១ ឧសភា ២០២៦

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ តែងតែប្រកាសក្តែងៗថា អាមេរិកចង់គ្រប់គ្រងប្រទេសគុយបាដែលស្ថិតនៅជិតទឹកដីអាមេរិកបំផុត ដើម្បីបញ្ចប់របបកុម្មុយនីស្តរបស់កោះនេះ លុបបំបាត់ឥទ្ធិពលឆ្វេងនិយមដែលនៅសេសសល់ក្នុងតំបន់។

ជាក់ស្តែងនៅថ្ងៃទី២០ កាលពីម្សិលមិញ នាវាផ្ទុកយន្តហោះអាមេរិកម៉ាក USS Nimitz និងក្រុមវាយប្រហារទាំងអស់នឹងទៅដល់តំបន់ការ៉ាប៊ីនក្នុងសប្តាហ៍នេះ ចំពេលមានភាពតានតឹងរវាងសហរដ្ឋអាមេរិកនិងប្រទេសគុយបាកាន់តែខ្លាំង និងមានការគំរាមកំហែងឈ្លានពានកោះនេះ ដោយប្រធានាធិបតីអាមេរិក លោក ដូណាល់ ត្រាំ ជាបន្តបន្ទាប់។

យោងតាមសារព័ត៌មាន The Hill ផ្សាយថ្ងៃទី២០ ខែឧសភា ឆ្នាំ២០២៦ នាវាផ្ទុកយន្តហោះ Nimitz មានយន្តហោះចម្បាំងប្រភេទ F/A-18E Super Hornets, EA-18G Growlers, C-2A Greyhounds រួមទាំង នាវាពិឃាត USS Gridley និងនាវាចម្បាំង USNS Patuxent កំពុងចាក់ប្រេងឡើងវិញ ស្ថិតនៅក្នុងសមុទ្រការ៉ាប៊ីន។ នេះបើយោងតាមការប្រកាសរបស់បញ្ជាការអាមេរិកភាគខាងត្បូង (Southcom) ត្រួតពិនិត្យសកម្មភាពយោធាអាមេរិកក្នុងតំបន់ការ៉ាប៊ីន និងអាមេរិកឡាទីនកាលពីថ្ងៃពុធ។

នាវាផ្ទុកយន្តហោះអាមេរិក។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេបញ្ជាការភាគខាងត្បូងអាមេរិក ថា៖ « នាវាផ្ទុកយន្តហោះ USS Nimitz បានបង្ហាញពីសមត្ថភាពប្រយុទ្ធនៅទូទាំងពិភពលោក ដោយធានានូវស្ថិរភាពនិងការពារលទ្ធិប្រជាធិបតេយ្យ ចាប់ពីច្រកសមុទ្រតៃវ៉ាន់រហូតដល់ឈូងសមុទ្រអារ៉ាប់»។

នាវាផ្ទុកយន្តហោះ Nimitz ដាក់ឱ្យដំណើរការនៅឆ្នាំ១៩៧៥ និងបានធ្វើសមយុទ្ធកងទ័ពជើងទឹករួមគ្នាជាមួយកងទ័ពជើងទឹកប្រេស៊ីលនៅឯឆ្នេរសមុទ្រ Rio de Janeiro កាលពីសប្តាហ៍មុន។ នេះបើយោងតាមស្ថានទូតសហរដ្ឋអាមេរិកប្រចាំប្រទេសប្រេស៊ីល។

លោក ត្រាំ ប្រាប់អ្នកយកព័ត៌មានកាលពីថ្ងៃពុធថា៖ « រដ្ឋបាលរបស់យើងចាត់ទុកប្រទេសគុយបា ស្ថិតក្នុងគំនិតរបស់យើង»។ បន្ទាប់ពីក្រសួងយុត្តិធម៌អាមេរិកចោទប្រកាន់អតីតប្រធានាធិបតីគុយបាលោក Raúl Castro ពីបទឃាតកម្ម ។ ក្នុងចំណោមការចោទប្រកាន់ផ្សេងទៀត កើតចេញពីការបាញ់ទម្លាក់យន្តហោះស៊ីវិលពីរគ្រឿង នៅឆ្នាំ១៩៩៦ នៅលើដែនទឹកអន្តរជាតិ សម្លាប់មនុស្ស ៤នាក់។

គួរបញ្ជាក់ថា តំបន់ការ៉ាប៊ីន គឺជាតំបន់មួយដែលមានទីតាំងនៅត្រូពិចនៃទ្វីបអាមេរិក ភាគអាគ្នេយ៍នៃឈូងសមុទ្រម៉ិកស៊ិក និងអាមេរិកខាងជើង ភាគខាងកើតនៃអាមេរិកកណ្តាល និងភាគខាងជើងនៃអាមេរិកខាងត្បូង ហើយគុយបានជាកោះមួយដ៏ធំស្ថិតនៅតំបន់ការ៉ាប៊ីន៕

សម្រួល៖ ណឺ មិនា