ព័ត៌មានអន្ដរជាតិ
កូវីដនៅ ឥណ្ឌា បង្ហាញភាពធូរស្រាល ក្រោយអ្នកឆ្លងប្រចាំថ្ងៃធ្លាក់ចុះក្រោម ១០ ម៉ឺនករណី រយៈពេលជាង ២ ខែមកនេះ
យោងតាមក្រសួងសុខាភិបាលឥណ្ឌា បានរាយការណ៍ថា ប្រទេសឥណ្ឌាបានកត់ត្រាករណីឆ្លងថ្មី នៃជំងឺកូវីដ ១៩ តិចជាង ១០០,០០០ ករណីកាលពីថ្ងៃអង្គារ ដែលជាតួលេខទាបបំផុត ក្នុងរយៈពេលជាង ២ ខែកន្លងមកនេះ ។
សេចក្តីថ្លែងការណ៍របស់ក្រសួង បាននិយាយថា “ប្រទេសឥណ្ឌា រាយការណ៍ករណីឆ្លងថ្មីប្រចាំថ្ងៃ តិចជាង ១០០,០០០ ករណី បន្ទាប់ពីរយៈពេល ៦៣ ថ្ងៃ បន្ទាប់ពីរកឃើញករណីឆ្លងថ្មីចំនួន ៨៦,៤៩៨ ករណី ក្នុងរយៈពេល ២៤ ម៉ោងចុងក្រោយ ដោយនាំឲ្យចំនួនអ្នកឆ្លងសរុបក្នុងប្រទេស កើនឡើងដល់ ២៨.៩ លានករណី” ។
ក្រសួងបាននិយាយថា ចំណែកចំនួនអ្នកស្លាប់ប្រចាំថ្ងៃវិញ បានធ្លាក់ចុះដល់ ២,២៣៣ នាក់ ហើយចំនួនអ្នកស្លាប់សរុប នៅទូទាំងប្រទេសមានដល់ ៣៥១,៣០៩ នាក់ ។
ខណៈពេលដែលប្រទេសឥណ្ឌា បានឃើញការកើនឡើងស្វ័យគុណ ក្នុងករណីឆ្លងកាលពីខែមុន ជាមួយនឹងចំនួនប្រចាំថ្ងៃលើសពី ៤០០,០០០ ករណី ពេលនេះករណីឆ្លងបានចាប់ផ្តើមធ្លាក់ចុះ ហើយអាជ្ញាធរនៅក្នុងតំបន់ជាច្រើន បានចាប់ផ្តើមបន្ធូរបន្ថយ ការរឹតបន្តឹងជាបណ្តើរៗផងដែរ ។
ជាមួយនឹងយុទ្ធនាការចាក់វ៉ាក់សាំង របស់ប្រទេសនេះ លោកនាយករដ្ឋមន្រ្តី Narendra Modi បានប្រកាសកាលពីថ្ងៃចន្ទថា រដ្ឋាភិបាលក៏នឹងផ្តល់វ៉ាក់សាំង ការពារជំងឺកូវីដ ១៩ ដោយមិនគិតថ្លៃដល់រដ្ឋនានា សម្រាប់ការចាក់ដល់ប្រជាជន ដែលមានអាយុ ១៨ ដល់ ៤៤ ឆ្នាំ ចាប់ពីថ្ងៃទី ២១ ខែមិថុនា ។
យោងតាមស្ថិតិផ្លូវការបានឲ្យដឹងថា គិតត្រឹមពេលនេះ ប្រទេសឥណ្ឌា បានចាក់វ៉ាក់សាំងការពារជំងឺកូវីដ ១៩ ដល់ប្រជាជនប្រមាណ ២៣០ លានដូស ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង