ព័ត៌មានអន្ដរជាតិ
ធូរស្បើយមិនទាន់បានប៉ុន្មានផង ឥណ្ឌា បើកទីក្រុងធំៗឡើងវិញ ក្រោយឃើញករណីឆ្លងធ្លាក់ចុះរយៈពេល ២ ខែមកនេះ
រដ្ឋធានីញូវដែលី និងមជ្ឈមណ្ឌលហិរញ្ញវត្ថុបុមបៃ របស់ឥណ្ឌា បានចាប់ផ្តើមបន្ធូរបន្ថយការរឹតត្បិត ជាបណ្តើរៗនៅថ្ងៃចន្ទនេះ ខណៈករណីឆ្លងជំងឺកូវីដ ១៩ នៅក្នុងប្រទេសនេះ បានធ្លាក់ចុះរយៈពេល ២ ខែកន្លងមកនេះ ។
លោក Arvind Kejriwal នាយករដ្ឋមន្រ្តីក្រុងដេលី បាននិយាយនៅថ្ងៃចន្ទនេះថា “យើងត្រូវតែមានសុវត្ថិភាព ពីការឆ្លងជំងឺកូវីដ ១៩ ហើយក៏នឹងធ្វើឲ្យសេដ្ឋកិច្ច ដើរទៅរកភាពដើមវិញផងដែរ” ។
លោកបានបញ្ជាឲ្យហាងចំនួនពាក់កណ្តាល ក្នុងរាជធានីបើកដំណើរការ តែត្រូវកំណត់ចំនួនមនុស្ស ហើយអនុញ្ញាតឲ្យការិយាល័យ និងបណ្តាញផ្លូវដែកក្រោមដី បើកដំណើរការ ៥០ ភាគរយ នៃសមត្ថភាពផ្ទុករបស់ពួកគេ ។
ប៉ុន្តែការទប់ស្កាត់ខ្លះ នៅតែត្រូវបានរក្សា ដូចជា ការហាមឃាត់ការបរិភោគអាហារ នៅតាមភោជនីយដ្ឋាន រោងកុន និងទីតាំងកាយសម្ព័ន្ធក្នុងទីក្រុង ដែលនៅតែមានអ្នកជាសះស្បើយតិចតួច ពីការកើនឡើងករណីឆ្លង ក្នុងខែមេសា និងឧសភា ។
គួរបញ្ជាក់ថា ប្រទេសឥណ្ឌានៅថ្ងៃចន្ទនេះ បានរាយការណ៍ថាមានករណីឆ្លងថ្មី ចំនួន ១០០,៦៣៦ ករណី បន្ទាប់ពីមានករណីឆ្លងលើស ៤០០,០០០ ករណីជាច្រើនថ្ងៃនៅក្នុងខែឧសភា និងមានអ្នកស្លាប់ថ្មី ២,៤២៧ នាក់ ។
មន្ទីរពេទ្យក្នុងទីក្រុង ដែលមានប្រជាជនសរុបប្រមាណ ៤០ លាននាក់ គឺពោរពេញទៅដោយ អ្នកជំងឺកូវីដ ១៩ ណែនណាន់តាន់តាប់ដ៏អាក្រក់បំផុត កាលពីខែមេសា និងឧសភា ដោយសារកង្វះអុកស៊ីសែន និងថ្នាំសំខាន់ៗដទៃទៀត ។
កំណើនដ៏ធំធេងនេះ បានធ្វើឲ្យប្រទេសឥណ្ឌារាយការណ៍ពីចំនួនករណីឆ្លង និងអ្នកស្លាប់បំបែកកំណត់ត្រា ក្លាយជាប្រទេសដែលរងគ្រោះធ្ងន់ធ្ងរបំផុតទី ២ ដែលមានចំនួនតិចជាង ២៩ លាននាក់ បន្ទាប់ពីសហរដ្ឋអាមេរិក ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ថ្មីទៀត! សាច់ញាតិអ្នកស្លាប់ដោយសារកូវីដ វាយពេទ្យ ឥណ្ឌា ផ្អើលបន្ទប់ ICU (មានវីដេអូ)
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល