ព័ត៌មានអន្ដរជាតិ
WHO ព្រមានថា កុំអាងតែចាក់វ៉ាក់សាំងហើយ លែងពាក់ម៉ាស
ទោះបីជាមានវ៉ាក់សាំងការពារជំងឺកូវីដ ១៩ ជាង ២ ពាន់លានដូសត្រូវបានចាក់នៅទូទាំងពិភពលោកក៏ដោយ ក៏អង្គការសុខភាពពិភពលោក (WHO) បានណែនាំកាលពីថ្ងៃសុក្រថា ប្រជាជនត្រូវពាក់ម៉ាសដើម្បីជួយការពារការឆ្លងវីរុសកូរ៉ូណា ។

អ្នកនាំពាក្យ WHO លោកស្រី Margaret Harris បានប្រាប់អ្នកសារព័ត៌មាននៅឯសន្និសីទកាសែតរបស់ UN នៅទីក្រុងហ្សឺណែវថា “វ៉ាក់សាំងដែលយើងមានគឺល្អណាស់ ក្នុងការការពារជំងឺឆ្លងធ្ងន់ធ្ងរ ឬការស្លាប់ ប្រសិនបើអ្នកឆ្លងវីរុសនេះ” ។
លោកស្រី Harris បាននិយាយថា “អ្វីដែលយើងចង់បាន គឺកាត់បន្ថយការចម្លង ហើយយើងមិនដឹងថា វ៉ាក់សាំងអាចការពារការឆ្លងបានប៉ុណ្ណានោះទេ ។ ដូច្នេះការពាក់ម៉ាសរបស់អ្នកក៏ការពារការចម្លងវីរុស នៅតាមកន្លែងដែលអ្នកនៅជិត ឬកន្លែងដែលអ្នកនៅក្នុងហ្វូងមនុស្ស ។ អ្នកវិទ្យាសាស្ត្រមិនដឹងថា តើនរណាម្នាក់ដែលត្រូវបានចាក់វ៉ាក់សាំងហើយ នៅតែអាចមានវីរុស ហើយនៅតែចម្លងវានោះទេ ខណៈពេលដែលពួកគេត្រូវការស្វែងយល់បន្ថែមអំពីវីរុសបំប្លែងខ្លួនផ្សេងៗទៀត” ។

លោកស្រីបាននិយាយថា ការពាក់ម៉ាស និងអនុវត្តតាមវិធានការណ៍សុខភាពសាធារណៈដទៃទៀត ចៀសវាងស្ថិតក្នុងហ្វូងមនុស្ស និងទីតាំងបិទជិត ធ្វើអ្វីៗគ្រប់យ៉ាងដែលមនុស្សអាចធ្វើបាននៅខាងក្រៅ ហើយស្ថិតនៅទីតាំងមានខ្យល់ចេញចូលបន្ទប់ គឺជារឿងចាំបាច់ណាស់ ។
WHO និយាយថា បច្ចុប្បន្នវ៉ាក់សាំងចំនួន ២.១៦ ពាន់លានដូស ត្រូវបានប្រើប្រាស់ទូទាំងពិភពលោក ខណៈករណីឆ្លងពេលនេះមានជាង ១៧៤ លានករណី និងមានអ្នកស្លាប់ជិត ៣.៨ លាននាក់ ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ WHO ថា បណ្តាប្រទេសអាហ្វ្រិក ៩០ ភាគរយនឹងខកខានគោលដៅចាក់វ៉ាក់សាំងការពារកូវីដតាមការគ្រោងទុក
ចុចអាន ៖ WHO ថា មិនអាចបង្ខំ ចិន ឲ្យផ្តល់ព័ត៌មានបន្ថែមអំពីប្រភពដើមកូវីដ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ