ព័ត៌មានអន្ដរជាតិ

ទោះផលិតក្នុងស្រុក ក៏ថៃខ្វះវ៉ាក់សាំង ឥឡូវមន្ទីរពេទ្យជាច្រើនផ្អាក

បានផុស

៥ years មុន

នៅ

ថ្ងៃចន្ទ ១៤ មិថុនា ២០២១

ដោយ

យុទ្ធនាការណ៍ចាក់វ៉ាក់សាំងទ្រង់ទ្រាយធំទូទាំងប្រទេសថៃត្រូវបានរាំងស្ទះនៅក្នុងរាជធានីនៅថ្ងៃចន្ទ ទី១៤ ខែមិថុនានេះ បន្ទាប់ពីហោចណាស់មន្ទីរពេទ្យ២០កន្លែងក្នុងទីក្រុងបាំងកកបានផ្អាកសកម្មភាពចាក់វ៉ាក់សាំងការពារកូវីដ-១៩របស់ខ្លួនដោយសារមិនមានវ៉ាក់សាំងគ្រប់គ្រាន់។

សេចក្តីប្រកាសរបស់មន្ទីរពេទ្យបានបង្ហោះនៅលើផេក Facebook របស់ពួកគេ ខណៈកម្មវិធី App ចុះឈ្មោះកក់ដើម្បីចាក់វ៉ាក់សាំងរបស់ទីក្រុងបាំងកកក៏បានផ្ញើសារទៅអ្នកប្រើប្រាស់ដោយលើកឡើងថា ការណាត់ចាក់ត្រូវពន្យាពេលចាប់ពីថ្ងៃអង្គារ៍ស្អែកនេះ។ ពេលនេះ មន្ត្រីបានស្វះស្វែងរកការធានាដល់សាធារណៈអំពីវ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងសុខាភិបាលលោក Anutin Charnvirakul ប្រាប់អ្នកកាសែតនៅថ្ងៃចន្ទនេះថា ៖«ប្រហែលជាមានការយល់ច្រឡំ ពីព្រោះមន្ទីរពេទ្យឯកជនមិនបានពិនិត្យមើលជាមួយរដ្ឋបាលទីកក្រុងបាំងកកទេ»។ លោកបន្ថែមថា វ៉ាក់សាំងបន្ថែមទៀតកំពុងនាំយកមកទីកក្រុងបាំងកក។

វ៉ាក់សាំងសំខាន់បំផុតដែលថៃប្រើប្រាស់គឺ AstraZeneca ចំនួន៦១លានដូសដែលផលិតដោយក្រុមហ៊ុនក្នុងស្រុក Siam Bioscience ដែលជាក្រុមហ៊ុនរបស់ស្តេចថៃ។

ទោះយ៉ាងណា មានការព្រួយបារម្ភពីការផលិតមិនបានគ្រប់គ្រាន់ដើម្បីផ្គត់ផ្គង់ពីមានប្រទេសជាច្រើនទៀតនៅក្នុងតំបន់ក៏បានបញ្ជាទិញវ៉ាក់សាំងដែលផលិតនៅថៃនេះដែរ។

ក្រុមហ៊ុនវ៉ាក់សាំង AstraZeneca និង Siam Bioscience មិនបានឆ្លើយតបនឹងការសាកសួរពីអ្នកសារព័ត៌មាន Reuters ទេ ប៉ុន្យែក្រុមហ៊ុនផលិត Anglo-Swedish បាននិយាយថា ខ្លួនកំពុងធ្វើការជាមួយរដ្ឋាភិបាលនៅប្រទេសអាស៊ានដើម្បីផ្គត់ផ្គង់វ៉ាក់សាំង៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសថៃ