Connect with us

ព័ត៌មានអន្ដរជាតិ

ធ្ងន់ធ្ងរហើយ! WHO ព្រមានថា កូវីដ កំពុងរាលដាលលឿនជាងការចែកចាយវ៉ាក់សាំង ជាពិសេសវីរុសបំប្លែងខ្លួន

បានផុស

នៅ

អង្គការសុខភាពពិភពលោក (WHO) បាននិយាយថា ជំងឺកូវីដ ១៩ កំពុងរីករាលដាលលឿនជាងការចែកចាយវ៉ាក់សាំងជាសកល ហើយត្រូវការការចែកចាយវ៉ាក់សាំងពីក្រុមប្រទេស G7 រាប់រយលានដូសបន្ថែមទៀត ដើម្បីបញ្ចប់រោគរាតត្បាត ។

លោក Tedros Adhanom Ghebreyesus អគ្គនាយក WHO បានប្រាប់អ្នកយកព័ត៌មានពីទីស្នាក់ការកណ្តាល ទីក្រុងហ្សឺណែវថា ការសន្យារបស់ក្រុមប្រទេស G7 ក្នុងការផ្តល់វ៉ា់ក់សាំងចំនួន ១ ពាន់លានដូស ក្នុងរយៈពេលពីរឆ្នាំខាងមុខ គឺជាជំនួយដ៏ធំមួយ ប៉ុន្តែយើងត្រូវការជាច្រើនបន្ថែមទៀត ។

លោកបាននិយាយថា “ដើម្បីបញ្ចប់រោគរាតត្បាត កិច្ចប្រជុំកំពូល G7 នៅឆ្នាំក្រោយនៅប្រទេសអាល្លឺម៉ង់ យើងត្រូវការវ៉ាក់សាំងចំនួន ១១ ពាន់លានដូសទៀត ។ យើងត្រូវការវ៉ាក់សាំងបន្ថែមទៀត ហើយយើងត្រូវការវាលឿនជាងមុន ។ ឥឡូវវីរុសនេះកំពុងធ្វើចលនា លឿនជាងការចែកចាយវ៉ាក់សាំងទូទាំងពិភពលោក” ។

លោកបានបន្ថែមទៀតថា ការត្រូវការវ៉ាក់សាំងជាបន្ទាន់នេះកើតឡើង ចំពេលដែលការរីករាលដាលនៃវីរុសបំប្លែងខ្លួន បានគំរាមកំហែងដល់ប្រសិទ្ធភាពនៃវ៉ាក់សាំងបច្ចុប្បន្ន ។ ប្រទេសមួយចំនួនទទួលបានជោគជ័យ ក្នុងការកម្ចាត់មេរោគដោយគ្មានការចាក់វ៉ាក់សាំង ប៉ុន្តែការគំរាមកំហែងនៃវីរុសបំប្លែងខ្លួនថ្មី មានន័យថា ពួកគេនឹងត្រូវអនុវត្តនូវវិធានការណ៍តឹងរ៉ឹងជាងនេះ និងយូរជាងនេះ ។

ទន្ទឹមនោះលោក Tedros ក៏បានអំពាវនាវឲ្យចាត់វិធានការ បន្ទាប់ពីមេដឹកនាំ G7 នៅក្នុងចក្រភពអង់គ្លេស បានសន្យាថានឹងបរិច្ចាគវ៉ាក់សាំងបន្ថែមចំនួន ៨៧០ ពាន់លានដូសកាលពីចុងសប្តាហ៍ បន្ទាប់ពីបានផ្ដល់ ១ ពាន់លានដូសតាមការសន្យា ចាប់តាំងពីខែកុម្ភៈឆ្នាំមុន ទៅឲ្យកម្មវិធី COVAX របស់ WHO ។

ប្រទេសទាំងនោះបាននិយាយនៅក្នុងសេចក្តីថ្លែងការណ៍មួយថា “វាជាអាទិភាពរបស់អន្តរជាតិ ដើម្បីបង្កើនល្បឿននៃការចាក់វ៉ាក់សាំងដែលមានសុវត្ថិភាព និងប្រសិទ្ធភាព ក៏ដូចជាមានតម្លៃសមរម្យសម្រាប់ប្រទេសក្រីក្របំផុត ដើម្បីទទួលបានវ៉ាក់សាំងដោយស្មើភាពគ្នា” ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ WHO ព្រមានថា កុំអាងតែចាក់វ៉ាក់សាំងហើយ លែងពាក់ម៉ាស

ចុចអាន ៖ COVAX ស្វាគមន៍ចំពោះការប្តេជ្ញាចិត្តចែកចាយវ៉ាក់សាំង ៨៧០ លានដូសរបស់ក្រុមប្រទេស G7

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ១៤ ម៉ោង មុន

យន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់

ព័ត៌មានអន្ដរជាតិ៦ ម៉ោង មុន

ឆ្ងល់​អត់ ហេតុអ្វី​​មីស៊ីលភាគច្រើនត្រូវ​បាន​បាញ់នៅពេលយប់ជាជាងពេល​ថ្ងៃ ក្នុងអំឡុងពេលសង្គ្រាម?

ព័ត៌មានអន្ដរជាតិ៧ ម៉ោង មុន

ការ​រុះ​រើ​​គណៈរដ្ឋមន្ត្រីថៃ គ្រោងធ្វើនៅថ្ងៃសុក្រ ​រដ្ឋាភិបាល​ចម្រុះ​ថៃ​អាចជាប់គាំ​ងជា​​​​ថ្មី​ ​

ព័ត៌មានជាតិ១១ ម៉ោង មុន

មហាជនប្រមាណ១៥ម៉ឺននាក់ ចូលរួមដើរថ្មើរជើង បង្ហាញការរួមគ្នាជាធ្លុងមួយ គាំទ្ររដ្ឋាភិបាល និងកងទ័ពជួរមុខ 

សន្តិសុខសង្គម៧ ម៉ោង មុន

យុវតី វ័យ ១៥ ឆ្នាំ ជិះម៉ូតូដេញបំបុកក្រុមចោរឆក់ ២ នាក់ ប្ដីប្រពន្ធ ចាប់បានប្រគល់ឲ្យសមត្ថកិច្ច

Sokha Hotels

ព័ត៌មានពេញនិយម