ព័ត៌មានអន្ដរជាតិ
ថៃប្រកាសហើយ ១២០ថ្ងៃទៀត នឹងបើកប្រទេសពេញលេញវិញ
លោកនាយករដ្ឋមន្ត្រីថៃ ប្រាយុទ្ធ ចាន់អ៊ូចា បានប្រកាសនៅថ្ងៃពុធម្សិលមិញពីការកំណត់ពេលវេលា១២០ថ្ងៃដើម្បីបើកដំណើរការប្រទេសពេញលេញឡើងវិញក្នុងនោះអាជីវកម្មទាំងអស់នឹងវិលត្រឡប់មកធម្មតាវិញ ហើយភ្ញៀវទេសចរអាចធ្វើដំណើរដោយសេរីទូទាំងប្រទេស។
លោកនាយករដ្ឋមន្ត្រីថៃមានប្រសាសន៍តាមកញ្ចក់ទូរទស្សន៍ជាតិថា ៖«ខ្ញុំកំពុងកំណត់គោលដៅសម្រាប់យើងទាំអស់គ្នាដើម្បីមានលទ្ធភាពប្រកាសពីការប្រទេសពេញលេញក្នុងរយៈពេល១២០ថ្ងៃដោយគិតចាប់ពីថ្ងៃនេះតទៅ។ តំបន់ទេសចរណ៍ទាំអស់គឺត្រៀមរួចរាល់ហើយ ធ្វើឲ្យកាន់តែលឿន»។
លោកលើកឡើងថា កោះភូកេតបានកំណត់ជាគោលដៅទេសចរណ៍ទី១នៅក្នុងប្រទេសដើម្បីបើកពេញលេញទទួលភ្ញៀវទេសចរដែលបានចាក់វ៉ាក់សាំងការពារកូវីដ-១៩គ្រប់ដូសចាប់ពីថ្ងៃទី១ ខែកក្កដា ប៉ុន្តែលក្ខខណ្ឌខ្លះត្រូវអនុវត្ត។ ភ្ញៀវទេសចរដែលមកថៃ បន្ទាប់បើកពេញលេញអាចនឹងចូលដោយគ្មានរឹតត្បិតអ្វីទាំងអស់។
ទោះជាយ៉ាងណា លោកឧត្តមសេនីយ៍ ប្រាយុទ្ធ បានទទួលស្គាល់ពីការសម្រេចចិត្តបើកប្រទេសពេញលេញឡើងវិញប្រឈមគ្រោះថ្នាក់ ប៉ុន្តែវានឹងជួយដល់អាជីវកម្មទាំងអស់វិលត្រឡប់ដូចដើមវិញ ដោយសារជួបបញ្ហាដោយការផ្ទុះកូវីដ-១៩។
លោកមានប្រសាសន៍ថា ៖«នៅពេលយើងគិតពិចារណាពីតម្រូវការសេដ្ឋកិច្ចរបស់ប្រជាជន ឥឡូវនេះ ដល់ពេលសម្រាប់ពួកយើងដើម្បីប្រឈមនឹងហានិភ័យដែលត្រូវបានវាយតម្លៃហើយ»។
«យើងមិនអាចរង់ចាំរហូតដល់ពេល អ្នករាល់គ្នាបានចាក់វ៉ាក់សាំងទាំងពីរដូស ឬនៅពេលកូវីដ-១៩ផុតរលត់ពីផែនដី ទើបបើកប្រទេសនោះទេ»។ នេះជាការបញ្ជាក់របស់លោក ប្រាយុទ្ធ។
ការកំណត់គោលដៅរយៈពេល១២០ថ្ងៃរបស់លោកនាយករដ្ឋមន្ត្រីគឺត្រឹមកណ្តាលខែតុលា ហើយលោក ប្រាយុទ្ធ មានប្រសាសន៍ថា ដល់ពេលនោះ ប្រជាជន៥០លាននាក់នឹងទទួលបានការចាក់វ៉ាក់សាំងហោចណាស់១ដូស។
យោងតាមទិន្នន័យពីមជ្ឈមណ្ឌលគ្រប់គ្រងស្ថានភាពកូវីដ-១៩បានបង្ហាញថា គិតត្រឹមថ្ងៃអង្គារ៍ ទី១៥ ខែមិថុនាកន្លងទៅនេះ ប្រជាជនថៃប្រហែល៥លាននាក់ប៉ុណ្ណោះ ស្មើនឹង១០%នៃគោលដៅប្រជាជន៥០លាននាក់បានចាក់វ៉ាក់សាំងហោចណាស់១ដូស។ ប្រជាជនតែ១.៨លាននាក់ ស្មើនឹង៣.៧%នៃគោលដៅបានចាក់វ៉ាក់សាំងពេញលេញ បន្ទាប់ពីកម្មវិធីចាក់វ៉ាក់សាំងបានចាប់ផ្តើមកាលពីថ្ងៃទី២៨ ខែកុម្ភៈ៕
ប្រែសម្រួល៖ វីរបុត្រ
ប្រភព៖ bangkokpost
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore