ព័ត៌មានអន្ដរជាតិ
ដំណឹងល្អ! អាមេរិក ត្រៀមចែកចាយវ៉ាក់សាំងកូវីដ ៥៥ លានដូសបន្ថែមទៀតដល់បណ្តាប្រទេសនានាទូទាំងពិភពលោក
សេតវិមានបាននិយាយកាលពីថ្ងៃចន្ទថា សហរដ្ឋអាមេរិកនឹងចែកចាយវ៉ាក់សាំងការពារជំងឺកូវីដ ១៩ ចំនួន ៥៥ លានដូស ជាមួយបណ្តាប្រទេសនានានៅទូទាំងពិភពលោក ។
សេតវិមានបាននិយាយនៅក្នុងសេចក្តីថ្លែងការណ៍មួយថា “រដ្ឋបាលលោក Biden និងលោកស្រី Harris កំពុងប្រកាសបញ្ជីចែកចាយសម្រាប់វ៉ាក់សាំង ៥៥ លានដូសក្នុងចំណោម ៨០ លានដូស នៃការផ្គត់ផ្គង់វ៉ាក់សាំងផ្ទាល់ខ្លួនរបស់ប្រធានាធិបតីអាមេរិក Joe Biden តាមការសន្យានៅចុងខែមិថុនានេះ ដើម្បីបញ្ចប់រោគរាតត្បាតទូទាំងពិភពលោក” ។
សេចក្តីថ្លែងការណ៍បាននិយាយថា មន្ត្រីជាន់ខ្ពស់បានសន្យាថា នឹងចែកចាយនូវវ៉ាក់សាំងចំនួន ៨០ លានដូសនៅចុងខែមិថុនានេះ ខណៈរដ្ឋាភិបាលសហរដ្ឋអាមេរិក ក៏បានចាប់ផ្តើមចែកចាយវ៉ាក់សាំងចំនួន ២៥ លានដូសដំបូងរបស់ពួកគេ កាលពីដើមខែនេះហើយផងដែរ ។
សេចក្តីថ្លែងការណ៍បាននិយាយថា “សម្រាប់វ៉ាក់សាំងចំនួន ៨០ លានដូសទាំងនេះ សហរដ្ឋអាមេរិកនឹងចែកចាយ ៧៥ ភាគរយតាមរយៈគម្រោង COVAX ហើយ ២៥ ភាគរយនឹងត្រូវបានកំណត់គោលដៅ ដើម្បីជួយដោះស្រាយជាមួយនឹងការកើនឡើង នៅជុំវិញពិភពលោក” ។
សេតវិមានបាននិយាយថា រដ្ឋាភិបាលសហរដ្ឋអាមេរិកនឹងចែករំលែកវ៉ាក់សាំងប្រមាណ ៤១ លានដូសទៅប្រទេសជាច្រើននៅអាមេរិកឡាទីន និងតំបន់ការីបៀន អាស៊ី និងអាហ្វ្រិក ។
សេចក្តីថ្លែងការណ៍បានិយាយថា “វ៉ាក់សាំងប្រមាណ ១៤ លានដូស ឬ ២៥ ភាគរយនៃវ៉ាក់សាំង ៥៥ លានដូស នឹងត្រូវបានចែករំលែកជាមួយប្រទេសអាទិភាពក្នុងតំបន់ និងអ្នកទទួលផ្សេងទៀតដូចជា កូឡុំប៊ី អាហ្សង់ទីន ហៃទី ប្រទេសតំបន់ CARICOM ផ្សេងទៀតដូចជា សាធារណរដ្ឋដូមីនីកែន កូស្តារីកា ប៉ាណាម៉ា អាហ្វហ្គានីស្ថាន បង់ក្លាដែស ប៉ាគីស្ថាន ហ្វីលីពីន វៀតណាម ឥណ្ឌូនេស៊ី អាហ្វ្រិកខាងត្បូង នីហ្សេរីយ៉ា កេនយ៉ា ហ្គាណា កាប់វែរ អេហ្ស៊ីប ហ្ស៊កដានី អ៊ីរ៉ាក់ យេម៉ែន ទុយនីស៊ី អូម៉ង់ តំបន់ West Bank និងហ្គាហ្សា ប្រទេសអ៊ុយក្រែន កូសូវ៉ូ ហ្សកហ្ស៊ី ម៉ុលដាវី និងប្រទេសបូស្ន៊ី ជាដើម” ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ តៃវ៉ាន់ ត្រៀមទទួលវ៉ាក់សាំងច្រើនជាងការសន្យាពី អាមេរិក
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore