វេជ្ជបណ្ឌិតម្នាក់ថា កូវីដ អាចឆ្លងតាម ផោម

ស្របពេលចំនួននៃករណីឆ្លងនិងស្លាប់ដោយសារជំងឺកូវីដ-១៩ មានការកើនឡើងនៅក្នុងប្រទេសម៉ាឡេស៊ី ក្រសួងសុខាភិបាលបានណែនាំឲ្យអ្នករាល់គ្នាចាប់ផ្តើមពាក់ម៉ាស់២ជាន់ ដើម្បីការពារខ្លួនពីវីរុសដ៏សាហាវនេះ។

យោងតាមគេហទំព័រ Free Malaysia Today បានឲ្យដឹងថា វេជ្ជបណ្ឌិត Alzamani Mohammad Idrose ដែលជាគ្រូពេទ្យឯកទេសខាងសង្គ្រោះបន្ទាន់នៃមន្ទីរពេទ្យគូឡាឡាំពួ បានលើកឡើងថា មានលទ្ធភាពដែលថា ជំងឺកូវីដ-១៩ អាចឆ្លងទៅអ្នកដទៃតាមរយៈផោម។

នេះដោយសារតែ ឧស្ម័នដែលបញ្ចេញចេញពីក្នុងខ្លួនរបស់យើង មានហានិភ័យក្នុងការនាំវីរុសចេញក្រៅ។ លើសពីនេះទៀត វីរុស ក៏អាចត្រូវបានរកឃើញផងដែរនៅក្នុងលាមកអ្នកជំងឺកូវីដ។

ទោះបីជាយ៉ាងណាក៏ដោយ វេជ្ជបណ្ឌិត Alzamani បាននិយាយថា “ហានិភ័យ នៃការឆ្លងមេរោគតាមរយៈផោម គឺពិតជាទាបណាស់ ដោយសារតែមានស្រទាប់ការពារ ពីខោក្នុងនិងខោខាងក្រៅ។ ស្តាប់ទៅគួរឲ្យអស់សំណើចណាស់ ប៉ុន្តែវាពិតជាការព្រួយបារម្ភយ៉ាងខ្លាំង”។

រឿងល្អបំផុតដែលត្រូវធ្វើដើម្បីឲ្យមានសុវត្ថិភាពនាពេលឥឡូវនេះ គឺត្រូវអនុវត្តនីតិវិធីប្រតិបត្តិស្តង់ដារ ដើម្បីចៀសវាងការឆ្លង។

មុននេះ គ្រូពេទ្យពីរបីនាក់ទៀតបានព្រមានថា ផោមមានភាគល្អិតៗ ដែលផ្ទុកទៅដោយបាក់តេរីឬវីរុស ដែលអាចនាំឲ្យមានការចម្លង។

ប៉ុន្តែហានិភ័យមានកម្រិតទាបណាស់ លើកលែងតែអ្នកដែលធ្វើតេស្តវិជ្ជមានជំងឹកូវីដ-១៩ មិនបានស្លៀកខោហើយផោមដាក់ជិតមុខរបស់អ្នក៕

ប្រែសម្រួល៖ Vann Vann

ប្រភព៖ Rojak​ Daily

ចុចអាន៖ ធ្ងន់ធ្ងរវិញហើយ ប្រេស៊ីល រកឃើញអ្នកឆ្លងកូវីដថ្មីមិនធ្លាប់មានជាង ១១ ម៉ឺនករណី