ព័ត៌មានអន្ដរជាតិ
ទម្លាយវីដេអូ បាក់អគារនៅ ទីក្រុង ម៉ៃអាមី សហរដ្ឋអាមេរិក
នៅថ្ងៃសុក្រទី២៥ខែមិថុនានេះ គេហទំព័រ Daily Mail បានបង្ហាញវីដេអូ នៃហេតុការណ៍បាក់អគារអាផាតមិនកម្ពស់ ១២ជាន់នៅក្នុងទីក្រុង ម៉ៃអាមី សហរដ្ឋអាមេរិក។
ក្រុមមន្រ្តីបាននិយាយថា មនុស្សយ៉ាងតិច៩៩នាក់ កំពុងបាត់ខ្លួន ហើយគិតត្រឹមពេលនេះ មានរបាយការណ៍ថា មានមនុស្សតែម្នាក់គាត់ដែលបានស្លាប់។
ទោះបីជាយ៉ាងណាក៏ដោយ គេមិនទាន់ដឹងច្បាស់ទេថា អគារនេះបាក់រលំដោយសារអ្វី។
អគារ Champlain Towers South បានបាក់នៅម៉ោងប្រហែល ១ និង ៣០ នាទីរំលងអាធ្រាត្រថ្ងៃព្រហស្បតិ៍ (ម៉ោងនៅអាមេរិក)។
ក្រុមអ្នកជួយសង្គ្រោះកំពុងការទាំងថ្ងៃទាំងយប់ ដើម្បីស្វែងរកអ្នកនៅរស់រានមានជីវិត។
អ្វីដែលធ្វើឲ្យគេកាន់តែបារម្ភនោះគឺថា ប្អូនថ្លៃប្រធានាធិបតីប៉ារ៉ាហ្គាយ និងក្រុមគ្រួសាររបស់នាង គឺស្ថិតក្នុងចំណោមមនុស្សទាំង៩៩នាក់ ដែលកំពុងបាត់ខ្លួនក្នុងហេតុការណ៍ បាក់អគារអាផាតមិនកម្ពស់១២ជាន់ នៅទីក្រុង ម៉ៃអាមី សហរដ្ឋអាមេរិក។
ក្រសួងការបរទេស ប៉ារ៉ាហ្គាយ បានបញ្ជាក់កាលពីថ្ងៃព្រហស្បតិ៍ថា លោកស្រី Sophia López Moreira, ព្រមទាំងប្តីរបស់គាត់ឈ្មោះ Luis Pettengill និងកូនៗ៣នាក់របស់ពួកគេ នៅមិនទាន់ត្រូវបានគេរកឃើញនៅឡើយ។
ក្រុមគ្រួសារនេះ គឺជាម្ចាស់ខុនដូមួយ នៅខាងក្នុងអគារ Champlain Towers South ដែលបានបាក់រលំនៅម៉ោងប្រហែល ១:៣០ នាទីរំលងអាធ្រាត្រក្នុងសង្កាត់ Surfside នៃទីក្រុង ម៉ៃអាមី។
លោកស្រី Moreira ត្រូវជាប្អូនស្រីបង្កើតរបស់លោកស្រី Silvana ដែលជាភរិយាលោកប្រធានាធិបតី Mario Abdo Benítez។
ក្រុមគ្រួសារនេះ ត្រូវបានគេនិយាយថា ទើបទទួលបានការចាក់វ៉ាក់សាំងការពារជំងឺកូវីដ-១៩ ប៉ុន្មានម៉ោងមុនពេលការដួលរលំកើតឡើង ហើយការបាក់នេះក៏បានកើតឡើងចំថ្ងៃខួបកំណើតរបស់លោក Luis ផងដែរ៕
វីដេអូ៖
ប្រែសម្រួល៖ Vann Vann
ប្រភព៖ Daily Mail
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង