Connect with us

ព័ត៌មានអន្ដរជាតិ

អាមេរិក ជំរុញប្រជាជនឲ្យចាក់វ៉ាក់សាំង ព្រោះជិតដល់បុណ្យឯករាជ្យ និងចំពេលផ្ទុះវីរុសបំប្លែងខ្លួនឥណ្ឌា

បានផុស

នៅ

មជ្ឈមណ្ឌលត្រួតពិនិត្យ និងបង្ការជំងឺសហរដ្ឋអាមេរិក (CDC) បានអំពាវនាវដល់សាធារណជនឲ្យទទួលការចាក់វ៉ាក់សាំង ដោយសារតែការលេចចេញជាថ្មី នូវករណីឆ្លងជំងឺកូវីដ ១៩ ក៏ដូចជាចំពេលមានការរីករាលដាល នៃវីរុសបំប្លែងខ្លួនឥណ្ឌា “Delta” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយក CDC លោកស្រី Rochelle Walensky បាននិយាយនៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ថា ករណីឆ្លងប្រចាំថ្ងៃថ្មីបានកើនឡើង ១០ ភាគរយក្នុងរយៈពេលមួយសប្តាហ៍កន្លងមកនេះ ។

លោកស្រីបានព្រមានថា ការរីករាលដាលនៃវីរុសបំប្លែងខ្លួននេះ អាចនាំឲ្យមានការកើនឡើងករណីឆ្លង ក្នុងតំបន់ដែលមានអត្រាចាក់វ៉ាក់សាំងទាប ។

លោកស្រី Walensky បានកត់សម្គាល់ថា ទិន្នន័យបឋមបានបង្ហាញថា មនុស្ស ៩៩.៥ ភាគរយដែលបានស្លាប់ ដោយសារជំងឺកូវីដ ១៩ ក្នុងរយៈពេល ៦ ខែចុងក្រោយនេះ គឺមិនបានចាក់វ៉ាក់សាំង ។

លោកស្រីបាននិយាយថា ចំនួននៃការចាក់វ៉ាក់សាំងប្រចាំថ្ងៃនៅសហរដ្ឋអាមេរិក បានធ្លាក់ចុះដល់ ១ ភាគ ៦ ក្នុងអំឡុងពេលករណីឆ្លងឡើងដល់កំពូល ។ ក្នុងចំណោមមនុស្សដែលមានអាយុចាប់ពី ១៨ ឆ្នាំឡើង មាន ៦៦.៧ ភាគរយ បានទទួលការចាក់វ៉ាក់សាំងយ៉ាងហោចណាស់ ១ ដូស ។

បច្ចុប្បន្ន អត្រាចាក់វ៉ាក់សាំងគឺមានភាពខុសគ្នានៅតាមតំបន់ ។ រដ្ឋនៅភាគខាងកើតដូចជា រដ្ឋ Vermont និងរដ្ឋ Massachusetts នៅ អត្រាចាក់វ៉ាក់សាំងកើនដល់ ៨០ ភាគរយ ខណៈអត្រានៅរដ្ឋភាគខាងត្បូងដូចជា រដ្ឋ Mississippi និងរដ្ឋ Louisiana នៅតែទាបជាង ៥០ ភាគរយ ។

គួរបញ្ជាក់ថា រដ្ឋបាលរបស់លោកប្រធានាធិបតី ចូ បៃដិន មានគោលបំណងចាក់វ៉ាក់សាំងឲ្យបាន ៧០ ភាគរយនៃចំនួនមនុស្សពេញវ័យ ត្រឹមថ្ងៃទី ៤ ខែកក្កដា ពោលជាថ្ងៃបុណ្យឯករាជ្យជាតិរបស់សហរដ្ឋអាមេរិក ប៉ុន្តែការសម្រេចបានគោលដៅនេះ កំពុងមានការលំបាក ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ សពកុមារ ២ នាក់ត្រូវបានរកឃើញក្រោមគំនរអគាររដ្ឋ Florida ធ្វើឲ្យអ្នកស្លាប់កើនឡើងដល់ ១៨ នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៧ នាទី មុន

កូរ៉េខាងជើង ធ្វើតេស្តមីស៊ីលប្រភេទថ្មី បាញ់ចេញពីនាវាមុជទឹក

ព័ត៌មានជាតិ៥០ នាទី មុន

លោកជំទាវបណ្ឌិត ពេជ ចន្ទមុន្នី៖ សមាគមគ្រូពេទ្យស្ម័គ្រចិត្តយុវជនសម្ដេចតេជោ ព្យាបាលជំងឺជូនពលរដ្ឋដោយបេះដូង ដោយទឹកចិត្ត និងស្នាមញញឹម

វប្បធម៌ ជំនឿ៥៣ នាទី មុន

គន្លឹះ៦យ៉ាង គ្រូហុងស៊ុយតែងប្រាប់ឲ្យធ្វើដើម្បីទាក់ទាញលុយកាក់ចូលកាបូប

សន្តិសុខសង្គម១ ម៉ោង មុន

ឃាត់ខ្លួនមន្ត្រីនគរបាលម្នាក់រួមទាំងបក្ខពួក ដក​ហូតគ្រឿងញៀនជាង៥គីឡូ ក្នុងយុទ្ធនាការរឹតបន្តឹងច្បាប់ចរាចរណ៍ផ្លូវគោក

ព័ត៌មានអន្ដរជាតិ១ ម៉ោង មុន

ត្រាំ ព្រមានផ្ទុះសង្គ្រាមលោកលើកទី៣ ក្រោយទាហានអាមេរិក ស្លាប់នៅ ហ្ស៊កដានី

Sokha Hotels

ព័ត៌មានពេញនិយម