នាយករដ្ឋមន្ត្រីលុចសំបួ ត្រូវបញ្ជូនទៅមន្ទីរពេទ្យ ក្រោយឆ្លងកូវីដ បន្ទាប់ពីកិច្ចប្រជុំ EU

នាយករដ្ឋមន្ត្រីប្រទេស លុចសំបួលោក Xavier Bettel ត្រូវបានបញ្ជូនទៅកាន់មន្ទីរពេទ្យកាលពីថ្ងៃអាទិត្យ ហើយកំពុងស្ថិតក្រោមការតាមដាន បន្ទាប់ពីធ្វើតេស្តវិជ្ជមានជំងឺកូវីដ-១៩។

សេចក្តីថ្លែងការណ៍របស់រដ្ឋាភិបាលបានឲ្យដឹងថា លោក Bettel អាយុ៤៨ឆ្នាំ នឹងស្ថិតនៅក្នុងមន្ទីរពេទ្យរយៈពេល២៤ម៉ោង ដែលជាវិធានការបង្ការជាមុន។

គាត់បានចាប់ផ្តើមធ្វើចត្តាឡីស័ករយៈពេល១០ថ្ងៃ កាលពីថ្ងៃទី២៧ខែមិថុនា ពោលគឺពីរថ្ងៃបន្ទាប់ពីបានចូលរួមក្នុងកិច្ចប្រជុំកំពូល សហគមន៍អ៊ឺរ៉ុបនៅទីក្រុង ព្រុចសែល ប៉ុន្តែគ្មានមេដឹកនាំអឺរ៉ុបណាម្នាក់ក្នុងចំណោមមេដឹកនាំទាំង២៦រូបផ្សេងទៀតដែលបានចូលរួមក្នុងកិច្ចប្រជុំនោះ ត្រូវបានគេចាត់ទុកថាមានទំនាក់ទំនងជាមួយគ្នានោះទេ។

នាយករដ្ឋមន្រ្តីលុចសំបួរូបនេះ បានទទួលវ៉ាក់សាំង AstraZeneca មួយដូសរួចទៅហើយ កាលពីថ្ងៃទី៦ឧសភា។

ប្រទេសមានប្រជាជន ៦៣០,០០០ នាក់មួយនេះ បានរាយការណ៍អំពីការកើនឡើងនៃករណីឆ្លងយ៉ាងគំហុកកាលពី១០ថ្ងៃមុន ហើយមនុស្សចំនួន១៣៦នាក់ បានធ្វើតេស្តវិជ្ជមានវីរុសនេះកាលពីថ្ងៃសៅរ៍ ដែលជាកម្រិតមួយមិនធ្លាប់មានសោះក្នុងប្រទេស លុចសំបួ ចាប់តាំងពីពាក់កណ្តាលខែឧសភាមក៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោក ចូ បៃដិន ថា អាមេរិក មិនទាន់ “យកឈ្នះ” ជំងឺកូវីដ ១៩ នៅឡើយទេ