Connect with us

ព័ត៌មានអន្ដរជាតិ

វៀតណាម ទទួលវ៉ាក់សាំងជាលើកដំបូងពី អាមេរិក ក្រោយផ្ទុះឆ្លងខ្លាំងទៅៗ

បានផុស

នៅ

ស្ថានទូតសហរដ្ឋអាមេរិកនៅទីក្រុងហាណូយ បាននិយាយកាលពីថ្ងៃសៅរ៍ថា ប្រទេសវៀតណាមបានទទួលការដឹកជញ្ជូនលើកដំបូង នូវវ៉ាក់សាំង Moderna ចំនួន ២ លានដូស ដែលត្រូវបានបរិច្ចាគដោយរដ្ឋាភិបាលសហរដ្ឋអាមេរិក ។

ស្ថានទូតបាននិយាយនៅក្នុងសេចក្តីថ្លែងការណ៍តាមអ៊ីម៉ែលថា ការដឹកជញ្ជូនតាមរយៈគម្រោង COVAX គឺជាផ្នែកមួយនៃការប្ដេជ្ញារបស់លោកប្រធានាធិបីតអាមេរិក ចូ បៃដិន ក្រោមគម្រោងចែកចាយវ៉ាក់សាំងចំនួន ៨០ លានដូស ដើម្បីគាំទ្រតម្រូវការរបស់ពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ របាយការណ៍ប្រព័ន្ធផ្សព្វផ្សាយរដ្ឋបាននិយាយកាលពីថ្ងៃសៅរ៍ថា ពាក់កណ្តាលនៃវ៉ាក់សាំង Moderna នឹងត្រូវបានផ្តល់ទៅឲ្យប្រជាជន ៩ លាននាក់នៅទីក្រុងហូជីមិញ ដែលជាចំណុចផ្ទុះកូវីដខ្លាំង និងកំពុងស្ថិតនៅក្រោមការរឹតត្បិតការធ្វើដំណើររយៈពេល ១៥ ថ្ងៃ ។

រហូតមកដល់ពេលនេះ ប្រទេសវៀតណាមបានទទួលវ៉ាក់សាំងប្រហែល ៨ លានដូសហើយ ដែលភាគច្រើនស្ថិតនៅក្រោមការចែកចាយជាអន្តរជាតិរបស់គម្រោង COVAX ។

វ៉ាក់សាំងច្រើនជាង ៤ លានដូស ត្រូវបានគេប្រើ ប៉ុន្តែមានតែប្រជាជនប្រមាណ ២៥៨,០០០ នាក់ប៉ុណ្ណោះដែលបានទទួលការចាក់វ៉ាក់សាំងពេញ ២ ដូស ក្នុងចំណោមប្រជាជនសរុបចំនួន ៩៨ លាននាក់ ។

ក្រសួងសុខាភិបាលវៀតណាមបាននិយាយកាលពីថ្ងៃសុក្រថា ខ្លួនមានគោលបំណងចាក់វ៉ាក់សាំងឲ្យបាន ៥០ ភាគរយដល់ប្រជាជានដែលមានអាយុចាប់ពី ១៨ ឆ្នាំឡើងទៅនៅចុងឆ្នាំនេះ និង ៧០ ភាគរយនៅចុងខែមីនា ឆ្នាំ ២០២២ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ វៀតណាម នៅតែបន្តរកឃើញករណីឆ្លងកូវីដ ក្នុងកម្រិតបំបែកកំណត់ត្រា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម