វៀតណាម នៅតែបន្តរកឃើញករណីឆ្លងកូវីដ ក្នុងកម្រិតបំបែកកំណត់ត្រា

ប្រទេសវៀតណាម បានកត់ត្រាករណីឆ្លងជំងឺកូវីដ-១៩ចំនួន ៥៩០ករណីទៀត កាលពីយប់ថ្ងៃសុក្រ ដោយធ្វើឲ្យចំនួនសរុបប្រចាំថ្ងៃ កើនឡើងដល់កម្រិតកំណត់ត្រាថ្មី ១,៦១៦ ករណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមករណីសរុបនាពេលយប់ ទីក្រុងហូជីមិញមាន ៤០០ករណី, Long An ៤០ករណី, Tien Giang ៣៤ករណី, Dong Thap ៣២ករណី, Khanh Hoa ២៥ករណី, Phu Yen ២២ករណី, Hung Yen ៨ករណី, Binh Duong ៧ករណី, Can Tho ៦ករណី, Bac Ninh ៥ករណី, Hau Giang ៤ករណី, Soc Trang, Binh Phuoc និង Dak Nong ២ករណីដូចគ្នា, Nghe An និង Bac Giang ១ករណីដូចគ្នា។

ក្នុងចំណោមករណីក្នុងសហគមន៍ទាំង ១,៦១៦ករណីដែលត្រូវបានកត់ត្រាកាលពីថ្ងៃសុក្រ មាន១,២២៩ករណីនៅក្នុងទីក្រុង ហូជីមិញ ដែលនេះជាកម្រិតខ្ពស់ថ្មីមួយសម្រាប់ទីក្រុង។ អ្នកជំងឺចំនួន ៣៤ នាក់ បានជាសះស្បើយ ដែលធ្វើឲ្យចំនួនសរុបនៃការជាសះស្បើយចាប់តាំងពីរោគរាតត្បាតផ្ទុះឡើងកាលពីដើមឆ្នាំមុន កើនដល់ ៨,៩៨៤ នាក់។

ស្របពេលជាមួយគ្នានោះដែរ ចំនួនអ្នកស្លាប់ចាប់តាំងពីជំងឺរាតត្បាតផ្ទុះឡើង បានកើនដល់ ១១០នាក់ បន្ទាប់ពីមនុស្ស ៥ នាក់បានស្លាប់ដោយសារកូវីដ កាលពីថ្ងៃសុក្រ។

ចាប់តាំងពីរលកថ្មីបានចាប់ផ្តើមនៅថ្ងៃទី ២៧ ខែមេសា ប្រទេសវៀតណាមបានកត់ត្រាការឆ្លងចំនួន ២២,៤៧៧ ករណីនិងមានអ្នកស្លាប់ ៧៥ នាក់៕

ប្រែសម្រួល៖ Vann Vann

ប្រភព៖ VN Express

ចុចអាន៖ ធ្ងន់ធ្ងរណាស់! វៀតណាម រកឃើញអ្នកឆ្លងកូវីដខ្ពស់បំផុត បំបែកកំណត់ត្រាថ្មីទៀតហើយ