Connect with us

ព័ត៌មានអន្ដរជាតិ

ទីបំផុត វៀតណាម យល់ព្រមលើការផ្ទេរបច្ចេកវិទ្យាវ៉ាក់សាំងកូវីដពីរុស្ស៊ី និងអាមេរិក

បានផុស

នៅ

រដ្ឋាភិបាលវៀតណាមបាននិយាយនៅក្នុងសេចក្តីថ្លែងការណ៍មួយថា ប្រទេសវៀតណាមបានឈានដល់កិច្ចព្រមព្រៀង ស្តីពីការផ្ទេរបច្ចេកវិទ្យាសម្រាប់វ៉ាក់សាំងការពារជំងឺកូវីដ ១៩ ពីរុស្ស៊ី និងអាមេរិក ។

ប្រព័ន្ធផ្សព្វផ្សាយបានរាយការណ៍ថា ក្រសួងសុខាភិបាលរបស់ប្រទេសវៀតណាម ក៏បានពិភាក្សាជាមួយប្រទេសរុស្ស៊ី ដើម្បីផលិតវ៉ាក់សាំង Sputnik V ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍នៅថ្ងៃអង្គារនេះក៏បាននិយាយផងដែរថា ប្រទេសវៀតណាមនឹងទទួលបានវ៉ាក់សាំងប្រើបច្ចេកវិទ្យា mRNA ដែលត្រូវបានបង្កើតឡើងដោយក្រុមហ៊ុន Pfizer-BioNtech ចំនួន ២០ លានដូសបន្ថែមទៀត ដោយបង្កើនចំនួនសរុបរហូតដល់ ៥១ លានដូស ។

រដ្ឋាភិបាលបាននិយាយថា រហូតមកដល់ពេលនេះ ប្រទេសវៀតណាមបានឈានដល់កិច្ចព្រមព្រៀង សម្រាប់ការទទួលបានវ៉ាក់សាំងចំនួន ១០៥ លានដូស ហើយកំពុងពិភាក្សាជាមួយក្រុមហ៊ុនផលិតផ្សេងទៀត លើកិច្ចព្រមព្រៀងសម្រាប់ការទទួលបានវ៉ាក់សាំងចំនួន ៧០ លានដូសបន្ថែមទៀត ហើយរដ្ឋាភិបាលសង្ឃឹមថា នឹងសម្រេចការចាក់វ៉ាក់សាំងនៅឆ្នាំ ២០២១ និងដើមឆ្នាំ ២០២២ ។

ទន្ទឹមនោះ ប្រទេសនៅតំបន់អាស៊ីអាគ្នេយ៍មួយនេះ បានទទួលវ៉ាក់សាំងប្រហែល ១០.៦ លានដូសហើយ ហើយនឹងត្រូវទទួលការផ្គត់ផ្គង់វ៉ាក់សាំងរបស់ក្រុមហ៊ុន Moderna ពីសហរដ្ឋអាមេរិកតាមរយៈមជ្ឈមណ្ឌល COVAX ។

គួរបញ្ជាក់ថា រហូតមកដល់ពេលនេះ វ៉ាក់សាំងប្រហែល ៤.៣ លានដូសត្រូវបានចាក់ជូនប្រជាពលរដ្ឋ ប៉ុន្តែមានតែមនុស្ស ៣១ ម៉ឺននាក់ប៉ុណ្ណោះ ដែលបានចាក់វ៉ាក់សាំងពេញ ២ ដូសក្នុងចំណោមប្រជាជន ៩៨ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ វៀតណាម បន្តរកឃើញអ្នកឆ្លងកូវីដ ជាង ៤ ពាន់ករណីទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម