ការសិក្សា៖ វ៉ាក់សាំង Pfizer បាត់បង់ប្រសិទ្ធភាពលឿនជាង AstraZeneca

ការស្រាវជ្រាវថ្មីបង្ហាញថា សមត្ថភាពការពារការចម្លងវីរុសរបស់វ៉ាក់សាំង Pfizer និង AstraZeneca បានថយចុះប្រសិទ្ធភាព ក្នុងរយៈពេល៣ខែ បន្ទាប់ពីចាក់លើកទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាដែលមានការចូលរួមពីមនុស្សជាង ៧០ម៉ឺននាក់ នៅចក្រភពអង់គ្លេស បានរកឃើញអំពីការថយចុះប្រសិទ្ធធភាពរបស់វ៉ាក់សាំង Pfizer និង AstraZeneca ក្រោយពីបានតេស្តអង់ទីគ័រលើអ្នកចាក់វ៉ាក់សាំងទាំងពីរប្រភេទនេះ។

លទ្ធផលសិក្សាបង្ហាញថា ក្រោយពីរសប្តាហ៍ បន្ទាប់ពីចាក់វ៉ាក់សាំង ​Pfizer ដូសទី២ ប្រព័ន្ធភាពស៊ាំមានសមត្ថភាពប្រឆាំងនឹងការចម្លងបាន ៨៥% រីឯ AstraZeneca វិញមានប្រសិទ្ធភាព ៦៨%។ ប៉ុន្តែការការពាររបស់វ៉ាក់សាំង Pfizer បានធ្លាក់ចុះយ៉ាងឆាប់រហ័ស បន្ទាប់ពី៣ខែ ក្រោយចាក់ដូសទី២រួចមក។ គេបានរកឃើញថា ការការពារការចម្លងរបស់វ៉ាក់សាំង Pfizer ធ្លាក់មកសល់ត្រឹម ៧៥% ខណៈដែលវ៉ាក់សាំង AstraZeneca ធ្លាក់មកសល់ ៦១%។

សាស្រ្តាចារ្យ Sarah Walker ប្រធានផ្នែកស៊ើបអង្កេតនិងស្ទង់មតិនៃការស្រាវជ្រាវនេះមានប្រសាសន៍ថា វ៉ាក់សាំងទាំងពីរមានដំណើរការធ្វើការខុសពីគ្នា។ យោងតាមការសិក្សា វ៉ាក់សាំង Pfizer បានថយប្រសិទ្ធភាពរបស់ខ្លួនចំនួន ១០% ក្រោយចាក់បាន៣ខែ ប៉ុន្តែវ៉ាក់សាំង AstraZeneca ថយចុះតែ ៧%ប៉ុណ្ណោះ។ ទោះយ៉ាងណា បើនិយាយដល់សមត្ថភាព វ៉ាក់សាំង Pfizer មានប្រសិទ្ធភាពទប់ទល់ការចម្លងបានល្អជាង។

ថ្វីត្បិតវ៉ាក់សាំងទាំងពីរប្រភេទនេះ ថយចុះសមត្ថភាពក៏ដោយ ពួកវានៅតែមានប្រសិទ្ធភាពប្រឆាំងនឹងវីរុសបំប្លែងខ្លួនបានល្អ ជាពិសេសមានប្រសិទ្ធភាពខ្ពស់ក្នុងការកាត់បន្ថយការចូលសម្រាកនៅមន្ទីរពេទ្យ និងបន្ថយហានិភ័យនៃមរណភាព៕

ប្រែសម្រួល៖ សន្យា

ប្រភព៖ EXPRESS

ចុចអាន៖ អ្នកចាក់វ៉ាក់សាំងគ្រប់ដូសហើយ នៅតែអាចឆ្លង Delta ប៉ុន្តែអាចទប់ស្កាត់ការឈឺធ្ងន់និងមរណភាព ក្នុងកម្រិតខ្ពស់

ចុចអាន៖ ជំទាវ ឱ វណ្ណឌីន ពន្យល់មូលហេតុចាក់វ៉ាក់សាំងដូសទី៣ មានប្រតិកម្ម ឬផលរំខានខ្លាំង