ព័ត៌មានអន្ដរជាតិ
ចិន ប្រកាសមិនមានករណីឆ្លងកូវីដក្នុងសហគមន៍លើកដំបូង ចាប់តាំងពីខែកក្កដា
អាជ្ញាធរសុខាភិបាលចិននៅថ្ងៃចន្ទនេះបានរាយការណ៍ថា មិនមានករណីឆ្លងក្នុងសហគមន៍ថ្មីនៃជំងឺកូវីដ ១៩ ជាលើកដំបូង ចាប់តាំងពីខែកក្កដា ហើយវាក៏ជាសញ្ញាបង្ហាញថា ការផ្ទុះឡើងដែលបានចាប់ផ្តើមកាលពីចុងខែមុន អាចនឹងថយចុះក្នុងពេលឆាប់ៗនេះ ។
ការផ្ទុះឡើងចុងក្រោយនេះភាគច្រើនត្រូវបានរកឃើញជាលើកដំបូង ក្នុងចំណោមបុគ្គលិកអាកាសយានដ្ឋាន ២ ទៅ ៣ នាក់នៅទីក្រុង Nanjing ភាគខាងកើតនៅថ្ងៃទី ២០ ខែកក្កដា ។ ចាប់តាំងពីពេលនោះមក មនុស្សជាង ១,២០០ នាក់នៅក្នុងប្រទេសចិនត្រូវបានបញ្ជាក់ថាឆ្លងជំងឺកូវីដ ១៩ ប៉ុន្តែមិនមានអ្នកស្លាប់ឡើយ ។
ទន្ទឹមនោះ ការផ្ទុះឡើងនេះបានជំរុញឲ្យអាជ្ញាធរមូលដ្ឋាននៅទូទាំងប្រទេស ដាក់ចេញនូវវិធានការប្រឆាំងរោគរាតត្បាត រួមទាំងការធ្វើតេស្តទ្រង់ទ្រាយធំសម្រាប់មនុស្សរាប់លាននាក់ ដើម្បីកំណត់ និងដាក់ការធ្វើចត្តាឡីស័ក ក៏ដូចជាព្យាបាលអ្នកឆ្លង ។
ដោយមិនរាប់បញ្ចូលករណីឆ្លងថ្មី ក្នុងចំណោមអ្នកដំណើរដែលមកដល់ប្រទេសចិនដីគោក គណៈកម្មការសុខភាពជាតិ (NHC) បានរាយការណ៍នៅថ្ងៃចន្ទនេះថា មានករណីឆ្លងថ្មីតែចំនួន ២១ ករណីប៉ុណ្ណោះសម្រាប់ថ្ងៃទី ២២ ខែសីហា ពោលធ្លាក់ចុះពី ៣២ ករណីកាលពីប៉ុន្មានថ្ងៃមុននេះ ។
បន្ថែមពីនេះ ចិន ក៏បានរាយការណ៍ពីករណីឆ្លងជំងឺកូវីដ ១៩ មិនបញ្ចេញរោគសញ្ញា ដែលប្រទេសនេះ មិនបានចាត់ថ្នាក់ជាករណីផ្លូវការចំនួន ១៦ ករណីផងដែរ ពោលធ្លាក់ចុះពី ១៩ ករណីកាលពីប៉ុន្មានថ្ងៃមុន ខណៈករណីមិនបញ្ចេញរោគសញ្ញាថ្មីនេះ សុទ្ធតែជាករណីនាំចូលទាំងអស់ ។
គួរបញ្ជាក់ថា គិតត្រឹមពេលនេះ ចិនដីគោក បានកត់ត្រាករណីឆ្លងជំងឺកូវីដ ១៩ ចំនួន ៩៤,៦៥២ ករណី ខណៈអ្នកស្លាប់នៅតែ ៤,៦៣៦ នាក់ដដែល ចាប់តាំងពីចុងខែមករាមក ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ